ខ្សែការពារ Josip Stanisic របស់ Bayern Munich នឹងអវត្តមានជាច្រើនខែដោយសាររបួសជង្គង់

បាល់ទាត់
August 22nd, 2024 (2 months)
161 Views
Share

ខ្សែការពារ Josip Stanisic របស់ក្លិប Bayern Munich នឹងត្រូវអវត្តមានជាច្រើន ក្រោយជួបបញ្ហារហែកសរសៃជង្គង់ខាងស្តាំ។

កីឡាករក្រូអាត វ័យ២៤ឆ្នាំ ទើបតែត្រឡប់មករួមក្លិប Bayern Munich វិញ ក្រោយបញ្ចប់ការលេងជាកីឡាករខ្ចីជើងអោយក្លិប Bayer Leverkusen កាលពីរដូវកាល ២០២៣-២៤ ដោយបានរួមចំណែកជួយក្លិបឈ្នះជើងឯកលីគកំពូលអាល្លឺម៉ង់នៅរដូវកាលនោះផងដែរ។

របួសរបស់ Josip Stanisic បានកើតឡើងអំឡុងពេលរូបគេធ្វើការហ្វឹកហាត់ ដើម្បីត្រៀមការប្រកួតរដូវកាលថ្មី ២០២៤-២៥។ យ៉ាងណា ពេលនេះរូបគេបានធ្វើការវះកាត់ព្យាបាលរបួសរួចហើយ ប៉ុន្តែរបួសនេះ តម្រូវអោយរូបគេ ត្រូវសម្រាកព្យាបាលនៅក្រៅទីលាន ជាច្រើនខែ។

Josip Stanisic បានចូលលេងពេញ ៩០នាទី អោយ Bayern Munich ក្នុងការប្រកួតឈ្នះក្រុម SSV Ulm ក្នុងជំនួបជុំទី១ ពានរង្វាន់ DFB-Pokal កាលពីថ្ងៃទី ១៦ ខែសីហា កន្លងទៅ។

សូមបញ្ជាក់ថា Josip Stanisic ជាកីឡាករដំឡើងមកពីថ្នាលយុវជន មកលេងអោយក្រុមឈុតធំ Bayern Munich នៅក្នុងឆ្នាំ២០២០ ដោយមកទល់ពេលនេះ រូបគេបានបង្ហាញខ្លួនចំនួន ៤២ដង ស៊ុតបាន១គ្រាប់។ រូបគេបានរួមចំណែកជួយ Bayern Munich ឈ្នះពានរង្វាន់ Bundesliga ៣ដង និង DFL-Supercup ២ដងផងដែរ។

ដោយឡែក រដូវកាលថ្មី ២០២៤-២៥ នៃការប្រកួតក្របខណ្ឌកំពូលអាល្លឺម៉ង់ Bundesliga នឹងចាប់ផ្តើមនៅចុងសប្តាហ៍នេះ ខណៈ Bayern Munich នឹងធ្វើដំណើរទៅជួប Vfl Wollfsburg ៕

អត្ថបទទាក់ទង

ខ្សែការពារ Josip Stanisic របស់ Bayern Munich នឹងអវត្តមានជាច្រើនខែដោយសាររបួសជង្គង់

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស