លោក Jose Mourinho ចង់បានខ្សែបម្រើ Sofyan Amrabat មកកាន់ Fenerbahce

បាល់ទាត់
August 29th, 2024 (2 months)
220 Views
Share

គ្រូបង្វឹក លោក Jose Mourinho កំពុងជំរុញអោយក្លិបទួរគី Fenerbahce ដែលរូបលោកកំពុងដឹកនាំធ្វើការបំពេញការចុះហត្ថលេខានាំយកខ្សែបម្រើ Sofyan Amrabat របស់ក្លិបអ៊ីតាលី Fiorentina។

កីឡាករម៉ារ៉ុក វ័យ២៨ឆ្នាំ ធ្លាប់ត្រូវបានក្លិបអង់គ្លេស Man UTD ខ្ចីជើង នៅរដូវកាល ២០២៣-២៤ កន្លងទៅនេះ ដោយបានបង្ហាញខ្លួនបានចំនួន៣០ប្រកួតដែរ សម្រាប់ក្លិបបិសាចក្រហម នៅគ្រប់ការប្រកួត។

ការពិតទៅ លោក Mourinho បានជួបជុំជាមួយអតីតកូនក្រុមរបស់ខ្លួនម្នាក់ទៅហើយគឺខ្សែបម្រើប្រេស៊ីល Fred ដែលត្រូវបានរូបលោកទិញយកពីក្លិបអ៊ុយក្រែន Shakhtah Donetsk កាលពីឆ្នាំ២០១៨ ប៉ុន្តែរូបលោកចង់បន្ថែម Sofyan Amrabat ដែលអាចលេងតួនាទីបម្រើការពាររូបនេះម្នាក់ទៀត។

ក្លិប Fenebahce មានបំណងចង់ផ្តល់ប្រាក់ប្រមាណ ២ លានអឺរ៉ូសម្រាប់ក្លិបដែលជាអាណាព្យាបាលរបស់ Amrabat គឺ Fiorentina សម្រាប់ការខ្ចីជើង។ បន្ថែមពីលើនេះ Fenerbahce ក៏និងត្រៀមផ្តល់ជូនប្រាក់តម្លៃខ្លួនប្រមាណ ១២ លានអឺរ៉ូ ជាថ្នូរលើការផ្ទេរជាអចិន្រ្តៃយ៍នាពេលអនាគត ក៏ប៉ុន្តែក្លិបនៅក្របខណ្ឌអ៊ីតាលី Serie A កំពុងពិចារទាមទារតម្លៃខ្លួនខ្ពស់ជាងនេះ។

ជាមួយគ្នានោះ ក្លិប Fenerbahce របស់លោក Jose Mourinho ក៍នឹងត្រូវប្រជែងជាមួយក្លិប អង់គ្លេស Everton រួមទាំងក្លិបអេស្ប៉ាញ Atletico Madrid ដែលបានចាប់អារម្មណ៍លើការផ្ទេរយក Sofyan Amrabat ផងដែរ។

យ៉ាងណាមិញ ខាងសាមីកីឡាករត្រូវបានរាយការណ៍មកថា មានការពេញចិត្តការផ្លាស់ទៅលេងអោយក្លិប Fenerbahce នៅលីគកំពូលទួរគីជាង ដោយបានយល់ព្រមលក្ខខណ្ឌផ្ទាល់ខ្លួនរួចរាល់អស់ហើយ៕

អត្ថបទទាក់ទង

លោក Jose Mourinho ចង់បានខ្សែបម្រើ Sofyan Amrabat មកកាន់ Fenerbahce

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស