ខ្សែប្រយុទ្ធ Luka Modric ថាខ្លួននឹងចូលនិវត្តន៍នៅពេលវេលាសមគួរមកដល់

បាល់ទាត់
September 12th, 2024 (1 month)
224 Views
Share

ខ្សែប្រយុទ្ធ Luka Modric បាននិយាយថា រូបគេនឹងចូលនិវត្តន៍ពីអាជីពជាកីឡាករបាល់ទាត់នៅពេលដែល ពេលវេលាសមគួរបានមកដល់។

ការលើកឡើងរបស់ Luka Modric គឺឆ្លើយតបទៅនឹងសំណួរ ដែលសួរនាំអំពីពេលវេលានៃការចូលនិវត្តន៍របស់គេ។

ជុំវិញរឿងនេះ តារាជើងចាស់ឆ្នើមរបស់ក្លិប Real Madrid Luka Modric បានចេញមកបង្ហាញអំពីផែនការលំអិត ក្នុងការរៀបចំការចូលនិវត្តរបស់ខ្លួនពីបាល់ទាត់អាជីព គ្រាវ័យរបស់គេកាន់តែចាស់ទៅហើយនោះ ។

Modric ទើបតែបានអបអរសាទរ វ័យឈានចូល៣៩ឆ្នាំ ដោយបានជួយស៊ុតបាន១គ្រាប់ជួយអោយក្រុមបាល់ទាត់ជម្រើសជាតិក្រូអាតយកឈ្នះក្រុមភ្ញៀវប៉ូឡូញ ដោយលទ្ធផល ១-០ នៅក្នុងការប្រកួតពានរង្វាន់ UEFA Nations League ថែមទៀត។

បែបនេះក្តី Luka Modric បានបង្ហាញនូវការថមថយខ្លះ នៃទម្រង់លេង របស់ខ្លួន។ ងាកទៅកាន់កុងត្រារបស់គេជាមួយនឹងក្លិបអេស្ប៉ាញ Real Madrid វិញ គឺនឹងមានសុពលភាពនៅត្រឹមឆ្នាំ២០២៥ប៉ុណ្ណោះ។

ទាក់ទិននឹងរឿងនេះ Luka Modric បាននិយាយថា “ ខ្ញុំនឹងបន្តតាមដាន ការប្រកួតនីមួយៗ ។ ខ្ញុំមិនទាន់ បានគិត១០០ភាគរយ អំពីអនាគតរបស់ខ្ញុំ នៅឡើយទេ ជាមួយនឹងបាល់ទាត់ ដរាបណាខ្ញុំ នៅតែមានកម្លាំងចិត្តលេងបាល់ ប៉ុន្តែប្រសិនបើកម្លាំងចិត្តទាំងនោះ វានឹងរលត់ទៅខ្ញុំ នឹងសម្រេចចិត្តថាត្រូវតែចូលនិវត្ត ។”

អតីតសមាជិក Tottenham Hotspur បន្តថា “ ខ្ញុំមិនចាំបាច់អោយអ្នកណាមកប្រាប់ខ្ញុំនោះទេ ពីព្រោះថាពេលវេលាសមគួរចូលមកដល់នៅថ្ងៃណាមួយខ្ញុំនឹងចូលនិវត្តន៍ពីអាជីពជាកីឡាករបាល់ទាត់ហើយ ប៉ុន្តែបច្ចុប្បន្នខ្ញុំនឹងនៅតែបន្តលេងនៅឡើយ។”

ដោយឡែក Luka Modric ក៏បានទទួលយកការកាត់បន្ថយតួនាទីលេងនៅក្លិប Real Madrid ទៅអោយខ្សែបម្រើវ័យក្មេងដូចជា Eduardo Camavinga, Aurelien Tchouameni និង Jude Bellingham ជាដើម ចាប់តាំង តែពីពេលដែលមិត្តរួមក្លិប Real Madrid គឺ Tony Kroos បានសម្រេចចិត្តចូលនិវត្ត កាលពីពេលកន្លងមក៕

អត្ថបទទាក់ទង

ខ្សែប្រយុទ្ធ Luka Modric ថាខ្លួននឹងចូលនិវត្តន៍នៅពេលវេលាសមគួរមកដល់

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស