គ្រូ Real Madrid ថា ក្រុមខ្លួនមិនស័ក្កិសមឈ្នះ Real Sociedad

បាល់ទាត់
September 16th, 2024 (4 weeks)
223 Views
Share

គ្រូបង្វឹក Real Madrid លោក Carlo Ancelotti បាននិយាយថា ក្រុមរបស់ខ្លួនមិនស័ក្កិសមទទួលបានជ័យជំនះទៅលើក្រុម Real Sociedad នៅក្នុងការប្រកួតកាលពីចុងសប្តាហ៍កន្លងទៅនោះទេ។

ជាការពិត ការប្រកួតក្របខណ្ឌ La Liga ២០២៤-២៥ ដែលធ្វើឡើងនាកីឡដ្ឋាន Reale Arena ក្រុម Real Madrid បានយកឈ្នះក្រុមម្ចាស់ផ្ទះ Real Sociedad ដោយលទ្ធផល ២-០ ដែលជាការរកគ្រាប់បាល់ដោយ Vinícius Júnior និង Kylian Mbappé ជាការស៊ុតបាល់ពិន័យ១១ម៉ែត្រទាំង២ដង។ ទោះបានឈ្នះការប្រកួត លោក Carlo Ancelotti នៅតែបង្ហាញអារម្មណ៍មិនរីករាយចំពោះការបង្ហាញទម្រង់លេងរបស់ក្រុម ដោយបាននិយាយថាក្រុម Real Madrid មិនស័ក្តិសមឈ្នះ ការប្រកួតនោះឡើយ។

លោក Carlo Ancelotti បានអោយដឹងដូច្នេះថា “វាជាការប្រកួតដ៏ស្មុគស្មាញមួយ យើងមិនសមនឹងឈ្នះការប្រកួតនេះទេ ព្រោះ Real Sociedad បានដាក់សម្ពាធលើយើងខ្លាំង។ យើងបានព្យាយាមប្រកាន់ខ្ជាប់ ពីការដាក់សម្ពាធ ហើយបានប្តេជ្ញាចិត្តក្នុងការយកឈ្នះវិញ ខ្ញុំអោយតម្លៃរឿងនេះខ្លាំង ព្រោះមិនងាយស្រួលឡើយ ក្នុងក្រុមពោរពេញដោយទេពកោសល្យ និងមានគុណភាពច្រើនបែបនេះ។”

គ្រូបង្វឹកជនជាតិអ៊ីតាលីបន្តថា “ ទោះយ៉ាងណា ខ្ញុំមើលឃើញថា យើងមិនបានលេងដោយបញ្ចេញអស់ពីសមត្ថភាព១០០ភាគរយទេ ហើយបញ្ហានេះយើងនឹងលើកយកមកពិភាក្សាគ្នា ប៉ុន្តែខ្ញុំក៏ពេញចិត្តចំពោះអ្វីដែលយើងបានធ្វើ ហើយទទួលបានជ័យជំនះ ទោះយើងនៅមានភាពរអាក់រអួលក៏ដោយ។”៕

អត្ថបទទាក់ទង

គ្រូ Real Madrid ថា ក្រុមខ្លួនមិនស័ក្កិសមឈ្នះ Real Sociedad

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស