Bayern Munich ពេញចិត្តនឹងទម្រង់លេងរបស់ខ្សែបម្រើប្រយុទ្ធ Michael Olise

បាល់ទាត់
September 20th, 2024 (4 weeks)
180 Views
Share

មានការរាយការណ៍អោយដឹងថា ក្លិប Bayern Munich មានការពេញចិត្តនឹងទម្រង់លេងរបស់ខ្សែបម្រើប្រយុទ្ធចំណូលថ្មី Michael Olise យ៉ាងខ្លាំង។

មិនត្រឹមតែជួយស៊ុតបញ្ចូលទីហើយបង្កើតលទ្ធផលល្អភ្លាមៗនោះទេ លើសពីនេះ Olise បានចូលរួមបង្កើនឥទ្ធិពលវិជ្ជមានក្នុងការជួយពង្រឹង និង សម្រួចទម្រង់លេងរបស់ក្រុម ដែលធ្វើអោយ Bayern Munich យល់ថា កីឡាកររូបនេះពិតជាស័ក្ដិសមទៅនឹងតម្លៃផ្ទេរ។

ក្រៅពីការទទួលបានការពេញចិត្តពីក្លិបហើយ កីឡាករបារាំងក៏បានទទួលការពេញចិត្តពីសំណាក់អ្នកគាំទ្រ Bayern Munich ជាច្រើនផងដែរ ដោយពួកគេយល់ថា កីឡាករមានភាពរហ័សរហួនក្នុងការសម្របខ្លួនជាមួយក្លិបថ្មី និងមជ្ឈដ្ឋានថ្មីបានយ៉ាងងាយស្រួល។

Michael Olise បានចូលរួមជាមួយ Bayern Munich ដោយផ្ទេរពីក្លិប Crystal Palace ជាទីកន្លែងដែលរូបគេបានលេងជាមួយតាំងពីឆ្នាំ ២០២១ ដោយបង្ហាញខ្លួនបាន ៩០ ដង ស៊ុតបញ្ចូលទីបាន១៦គ្រាប់ផងដែរ។

មែនទែនទៅ Bayern Munich បានទិញយកកីឡាករ វ័យ២២ឆ្នាំ រូបនេះ តាំងពីដើមខែកក្កដា មកម្ល៉េះ តែ ទើបបង្ហាញខ្លួនជាសមាជិកក្លិបជាផ្លូវការនៅពេលថ្មីៗនេះ។ ការចូលរួម របស់ Michael Olise ជាមួយ Bayern Munich រូបគេចុះកុងត្រាលើកិច្ចសន្យាដែលមានរយៈពេល៥ឆ្នាំ គឺរហូតដល់ឆ្នាំ២០២៩ ជាមួយតម្លៃផ្ទេរប្រមាណ ៦០លានអឺរ៉ូ។ តម្លៃខ្លួនរបស់ Michael Olise បានធ្វើអោយរូបគេស្ថិតក្នុងចំណោមកីឡាករដែល Bayern Munich បានចំណាយក្នុងការទិញយកក្នុងតម្លៃខ្ពស់បំផុតក្នុងប្រវត្តិសាស្ត្ររបស់ក្លិប ដោយស្ថិតក្នុងចំណាត់ថ្នាក់លេខ៤។

មក Bayern Munich ភ្លាម Michael Olise បានបង្ហាញទម្រង់លេងល្អ ដោយគិតមកទល់ពេលនេះ រូបគេលេងសរុប ៥ ប្រកួត និងស៊ុតបញ្ចូលទីបានចំនួន ៣ គ្រាប់ ដោយក្នុងនោះរួមមានការស៊ុតបញ្ចូលទី ការស៊ុតក្នុងការប្រកួតដែល Bayern Munich ឈ្នះ Holstein Kiel ៦-១ នៅក្នុងក្របខណ្ឌ Bundesliega និងការប្រកួតដែល Bayern Munich ឈ្នះ Dinamo Zagreb ៩-២ ក្នុងការប្រកួតពានរង្វាន់ UEFA Champions League ផងដែរ។

ដោយឡែក Bayern Munich នឹងបន្តការប្រកួតក្របខណ្ឌ Bundesliega ដោយត្រូវប៉ះក្រុម Werder Bremen នៅចុងសប្តាហ៍នេះ។ ឆ្លងកាត់៣ប្រកួតដំបូងក្នុងរដូវកាលថ្មី Bayern Munich ឈ្នះទាំងអស់ និងកំពុងមាន៩ពិន្ទុ ឈរកំពូលតារាង៕

អត្ថបទទាក់ទង

Bayern Munich ពេញចិត្តនឹងទម្រង់លេងរបស់ខ្សែបម្រើប្រយុទ្ធ Michael Olise

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស