ក្រុមហ៊ុនផលិតរថយន្ត Toyota នឹងបញ្ចប់កិច្ចសន្យាឧបត្ថម្ភ ព្រឹត្តិការណ៍អូឡាំពិកនិង ប៉ារ៉ាឡាំពិក

កីឡាចម្រុះ
September 27th, 2024 (3 weeks)
187 Views
Share

អគ្គនាយកក្រុមហ៊ុនផលិតរថយន្ត Toyota Motor លោក Akio Toyoda បាននិយាយថា ក្រុមហ៊ុន របស់លោកនិងបញ្ចប់កុងត្រាក្នុងនាមជាអ្នកឧបត្ថម្ភធំ នៃព្រឹត្តិការណ៍ប្រកួតកីឡា អូឡាំពិក និង ប៉ារ៉ាឡាំពិក ហើយ ក្រោយចប់ព្រឹត្តិការណ៍អូឡាំពិក និង ប៉ារ៉ាឡាំពិក ទីក្រុងប៉ារីស ប្រទេសបារាំង ឆ្នាំ២០២៤។

ក្រុមហ៊ុនផលិតរថយន្តដ៏ធំរបស់ប្រទេសជប៉ុនមួយនេះ បានចុះកិច្ចសន្យាជាមួយគណៈកម្មាធិការអូឡាំពិកអន្តរជាតិ IOC និង ប៉ារ៉ាឡាំពិកអន្តរជាតិ IPC ក្នុងការក្លាយជាម្ចាស់ឧបត្ថម្ភធំ នៃការប្រកួតកីឡាអូឡាំពិក និង ប៉ារ៉ាឡាំពិក តាំងពីឆ្នាំ ២០១៥ ដោយមានទំហំសាច់ប្រាក់ប្រមាណ ៨៣៥ លានដុល្លារ។ ការចុះកុងត្រាមានសុពលភាពត្រឹមព្រឹត្តិការណ៍អូឡាំពិកនិងប៉ារ៉ាឡាំពិកឆ្នាំ២០២៤ តែប៉ុណ្ណោះ។

ទោះយ៉ាងណា ក្រុមហ៊ុន Toyota Motor មានការមិនពេញចិត្តអំពីរបៀបដែល IOC ប្រើប្រាស់ថវិកាពីការឧបត្ថម្ភរបស់ក្រុមហ៊ុន ដោយក្រុមហ៊ុនជឿថា វាមិនបានប្រើប្រាស់អោយមានប្រសិទ្ធភាពសម្រាប់គាំទ្រដល់អត្តពលិក និង ការផ្សព្វផ្សាយអំពីកីឡានោះឡើយ ប៉ុន្តែហាក់ដូចជាប្រាក់ឧបត្ថម្ភទាំងនោះត្រូវបានប្រើប្រាស់ទៅលើផ្នែកនយោបាយទៅវិញ។

ដើមឡើយ ក្រុមហ៊ុន Toyota ចង់បន្តកិច្ចសន្យាឧបត្ថម្ភព្រឹត្តិការណ៍ប៉ារ៉ាឡាំពិកបន្តទៀត ប៉ុន្តែ IOC អះអាងថា ភាពជាម្ចាស់ឧបត្ថម្ភធំ មិនបន្តសម្រាប់ការប្រកួតតែមួយផ្នែក នោះទេ ដែលមានន័យថា ក្រុមហ៊ុន Toyota ត្រូវតែជាម្ចាស់ឧបត្ថម្ភធំទាំងព្រឹត្តិការណ៍អូឡាំពិក និង ប៉ារ៉ាឡាំពិក។

ដូច្នេះហើយ ក្រុមហ៊ុន Toyota បានសម្រេចមិនបន្តកុងត្រាថ្មីជាម្ចាស់ឧបត្ថម្ភធំព្រឹត្តិការណ៍អូឡាំពិក និង ប៉ារ៉ាឡាំពិកទៀតនោះទេ ប៉ុន្តែពួកគេនឹងបន្តឧបត្ថម្ភ គាំទ្រអត្តពលិកជាបន្តទៀត។

ក្រុមហ៊ុន Toyota បានក្លាយជាក្រុមហ៊ុនចុងក្រោយដែលបានកាត់ផ្តាច់ភាពជាម្ចាស់ឧបត្ថម្ភធំ ជាមួយ IOC និង IPC បន្ទាប់ពីក្រុមហ៊ុនផលិតគ្រឿងអេឡិកត្រូនិកដ៏ធំរបស់ជប៉ុន Panasonic ដែលបានបញ្ចប់ភាពជាម្ចាស់ឧបត្ថម្ភធំជាមួយ IOC និង IPC ដែរ បន្ទាប់ពីមានទំនាក់ទំនងជាមួយសា្ថប័នកីឡានេះ តាំងពីឆ្នាំ ១៩៨៧ មក៕

អត្ថបទទាក់ទង

ក្រុមហ៊ុនផលិតរថយន្ត Toyota នឹងបញ្ចប់កិច្ចសន្យាឧបត្ថម្ភ ព្រឹត្តិការណ៍អូឡាំពិកនិង ប៉ារ៉ាឡាំពិក

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស