ខ្សែប្រយុទ្ធ Harry Kane ជាសះស្បើយទាន់ការប្រកួតរបស់ក្រុមអង់គ្លេសក្នុងពានរង្វាន់ UEFA Nations League

បាល់ទាត់
October 10th, 2024 (9 months)
437 Views
Share

ខ្សែប្រយុទ្ធ Harry Kane បានជាសះស្បើយ១០០ ភាគរយ ទាន់ពេល ដើម្បីត្រឡប់មកវិញនិងត្រៀមខ្លួនចូលរួមជាមួយក្រុមបាល់ទាត់ជម្រើសជាតិអង់គ្លេស សម្រាប់ការប្រកួតក្នុងព្រឹត្តិការណ៍ UEFA Nations League ខាងមុខនេះ ។

ជាការពិត កន្លងទៅមានការព្រួយបារម្ភពីវត្តមានរបស់កីឡាករវ័យ ៣១ឆ្នាំ ជាមួយក្រុមជម្រើសជាតិអង់គ្លេស បន្ទាប់ពីរូបគេរងរបួសជើងស្តាំ ក្នុងការប្រកួតដែលក្រុម Bayern Munich ស្មើគ្នា ៣-៣ ទល់នឹង Eintracht Frankfurt នៅក្នុងជំនួបក្របខណ្ឌ Bundesliga កាលពីចុងសប្តាហ៍កន្លងទៅ។

ការប្រកួតនោះ Harry Kane ត្រូវបានប្ដូរចេញនាទីទី៧២ ដោយសារតែមានការប៉ះទង្គិចជាមួយកីឡាកររបស់ Eintracht Frankfurt ។ យ៉ាងណាមិញ ក្រុមគ្រូពេទ្យរបស់ក្រមជម្រើសជាតិអង់គ្លេសបានចេញមកបញ្ជាក់ថា ប្រធានក្រុមរូបនេះមិនមានបញ្ហាអ្វីធ្ងន់ធ្ងរទេ ពោលគឺអាចលេងបានធម្មតា។

ទន្ទឹមនឹងការវិលមកជួយក្រុមរបស់ Harry Kane ក្រុមអង់គ្លេសក៏ត្រូវអវត្តមានកីឡាករជាច្រើនរូបវិញដែរ ដែលមាន Morgan Gibbs-White របស់ Nottingham Forest F.C ខ្សែការពារកណ្ដាលកំពុងតែឡើងជើងរបស់ Atson Villa, Ezri Konsa និង Kobbie Mainoo របស់ Manchester United មិនអាចមកជួយក្រុមបានទេដោយសារតែរបួស។

សូមបញ្ជាក់ថា ក្រុមជម្រើសជាតិអង់គ្លេសមានការប្រកួត UEFA Nations League ចំនួន២ប្រកួតនៅក្នុងខែតុលា ដោយត្រូវស្វាគមន៍ក្រុមក្រិចនៅថ្ងៃទី ១០ ខែតុលា មុនបន្តទៅជួបក្រុមហ្វាំងឡង់នៅ៣ថ្ងៃបន្ទាប់ពីនោះ៕

អត្ថបទទាក់ទង

ខ្សែប្រយុទ្ធ Harry Kane ជាសះស្បើយទាន់ការប្រកួតរបស់ក្រុមអង់គ្លេសក្នុងពានរង្វាន់ UEFA Nations League

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស