ខ្សែបម្រើ Lamine Yamal កោតសរសើរការដឹកនាំរបស់គ្រូបង្វឹក លោក Hansi Flick

បាល់ទាត់
October 10th, 2024 (7 months)
401 Views
Share

ខ្សែបម្រើ Lamine Yamal បានធ្វើការកោតសរសើរដល់ការដឹកនាំរបស់គ្រូបង្វឹក Barcelona លោក Hansi Flick ថាមានភាពល្អប្រសើរ ហើយកីឡាករទាំងអស់កំពុងតែពេញចិត្តពីរបៀបដឹករបស់លោក។

កីឡាករ វ័យ១៧ឆ្នាំ កំពុងកា្លយជាតារាបាល់ទាត់ដ៏លេចធ្លោមួយរូបរបស់ Barcelona និងកំពុងបន្តបង្ហាញសមត្ថភាព ក្នុងនាមជាកីឡាករដ៏សំខាន់ទាំងសម្រាប់ក្លិបអ្នកមានបុណ្យ និង ក្រុមបាល់ទាត់ជម្រើសជាតិអេស្ប៉ាញ។

Lamine Yamal ក៏ជាផ្នែកមួយស្ថិតក្នុងគម្រោងរបស់លោក Hansi Flick ដោយបុរសជនជាតិអាល្លឺម៉ង់ បានជួយអោយក្លិប Barcelona មានភាពរីកចម្រើន និងទទួលបានការពេញចិត្តទាំងថ្នាក់ដឹកនាំក្លិប កីឡាករ និង អ្នកគាំទ្រ។ បន្ថែមពីនេះ Lamine Yamal ក៏អះអាងពីទំនាក់ទំនងល្អរបស់ លោក Hansi Flick ជាមួយសមាជិកនានារបស់ក្លិបផងដែរ។

ទាក់ទិននឹងរឿងនេះ Lamine Yamal បានអោយដឹងថា “យើងកំពុងតែរីករាយចំពោះអ្វីដែលយើងកំពុងតែមានក្នុងរដូវកាលនេះ។ ពួកយើងពិតជារីករាយខ្លាំងមែនទែនជាមួយរបៀបនៃការលេងរបស់ លោក Flick ។ ពេលខ្លះបាល់ទាត់យើងត្រូវការវាជាចាំបាច់ ទាំងការបញ្ចប់ទី និង ការដេញតាមយកបាល់ពីដៃគូជាដើម ដើម្បីស្វែងរកជ័យជំនះណាមួយ។ យើងក៏អាចគ្រប់គ្រងការប្រកួតផងដែរ ហើយវាជាអ្វីដែលយើងកំពុងតែមាន។”

Lamine Yamal បន្តថា “ លោក Flick គឺជាគ្រូបង្វឹកម្នាក់ដែលបានកែប្រែយើងគ្រប់គ្នាអោយឆ្ពោះទៅរកភាពជោគជ័យ និងបានបង្កើតឱកាសអោយយើងគ្រប់គ្នា។ បើទោះបីជាយើងស្ថិតក្នុងកាលៈទេសៈណាក៏ដោយ។”

សូមបញ្ជាក់ថា បច្ចុប្បន្ន Barcelona កំពុងតែកាន់កាប់កំពូលតារាង La Liga ដោយមាន ២៤ ពិន្ទុក្នុងចំណោម៩ប្រកួត ពីលើក្រុមលេខ២ Real Madrid ចំនួន៣ពិន្ទុ ខណៈការដឹកនាំនៅការប្រកួត UEFA Champions League វិញ ពួកគេឈ្នះ១ និងចាញ់១ផងដែរ៕

អត្ថបទទាក់ទង

ខ្សែបម្រើ Lamine Yamal កោតសរសើរការដឹកនាំរបស់គ្រូបង្វឹក លោក Hansi Flick

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស