ទោះចាញ់ការប្រកួតទល់នឹង Barcelona តែ គ្រូ Real Madrid ថា ក្រុមខ្លួននឹងអាចឈ្នះវិញនាពេលខាងមុខ

បាល់ទាត់
October 28th, 2024 (6 months)
320 Views
Share

ក្រុម Real Madrid បានរងភាពអាម៉ាស់យ៉ាងខ្លាំងនៅកីឡដ្ឋាន Santiago Bernabeu របស់ខ្លួន ក្រោយចាញ់ក្រុម Barcelona ដោយលទ្ធផល ៤-០ ដែលជាជំនួបសប្តាហ៍ទី១១ នៃក្របខណ្ឌលីគកំពូលអេស្ប៉ាញ La Liga ។

ជ័យជំនះរបស់ក្រុមភ្ញៀវ Barcelona ក្រោមការដឹកនាំរបស់លោក Hansi Flick សម្រេចបានដោយកីឡាករ Robert Lewandowski ២គ្រាប់ម្នាក់ និង២គ្រាប់ផ្សេងទៀតដោយ Lamine Yamal និង Raphinha ដើម្បីបង្កើតការប្រកួតដ៏គួរអោយចងចាំក្នុងជំនួប El Clasico ដែលជាការប្រកួតបាល់ទាត់ធំបំផុតរបស់ប្រទេសអេស្ប៉ាញរវាង Real Madrid និង Barcelona ។

ទោះចាញ់ការប្រកួតបែបនេះមែន ប៉ុន្តែគ្រូបង្វឹក Real Madrid លោក Carlo Ancelotti នៅតែអះអាងថា ក្រុមរបស់លោកនឹងប្រឹងប្រែងឈ្នះពានរង្វាន់បន្តទៀតនៅក្នុងរដូវកាលនេះ។

លោក Carlo Ancelotti បានថ្លែងអោយដឹងដូច្នេះ “យើងខកខានឱកាសជាច្រើន ហើយយើងទទួលស្គាល់ថា ពួកយើងបាត់បង់ថាមពលនៅក្នុងការប្រកួត ហើយនោះជាអ្វីដែលយើងបានចាញ់ការប្រកួតនេះ។”

គ្រូបង្វឹកសញ្ជាតិអ៊ីតាលីវ័យ៦៥ឆ្នាំបានបន្តថា “ កាលពីលើកមុនយើងបានចាញ់ Barcelona ៤-០ ប៉ុន្តែចុងបញ្ចប់យើងឈ្នះជើងឯកពានរង្វាន់ La Liga និង UEFA Champions League។ Real Madrid នឹងមិនបោះបង់ឡើយ រដូវកាលគឺនៅវែងឆ្ងាយទៀត។”

បច្ចុប្បន្ន Barcelona កំពុងតែកាន់កាប់កំពូលតារាងបណ្តោះអាសន្ន ក្រោយឆ្លងកាត់១១ប្រកួតកន្លងមក ឈ្នះ១០ និងចាញ់១ មាន ៣០ពិន្ទុ ខណៈដែល Real Madrid ឈរនៅចំណាត់ថ្នាក់លេខ២ ឈ្នះ៧ ស្មើ៣ និងចាញ់១ មាន ២៤ពិន្ទុ៕

អត្ថបទទាក់ទង

ទោះចាញ់ការប្រកួតទល់នឹង Barcelona តែ គ្រូ Real Madrid ថា ក្រុមខ្លួននឹងអាចឈ្នះវិញនាពេលខាងមុខ

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស