Valencia សម្រេចបញ្ចប់តំណែងគ្រូបង្វឹកលោក Rúben Baraja

បាល់ទាត់
December 24th, 2024 (1 month)
141 Views
Share

ក្លិប Valencia នៅលីគកំពូលអេស្ប៉ាញ បានសម្រេចចែកផ្លូវគ្នាជាមួយគ្រូបង្វឹក Rúben Baraja ជាផ្លូវការហើយ ពោលគឺនៅត្រឹមតែ ៤៨ ម៉ោង មុនការប្រាព្ធបុណ្យ Christmas ចូលមកដល់។

ការបណ្តេញ បុរសវ័យ៤៩ឆ្នាំ ចេញពីតំណែងនេះ បានកើតឡើងបន្ទាប់ពីទម្រង់លេងរបស់ Valencia មានការធ្លាក់ចុះខ្លាំង ដោយពួកគេបានឈ្នះតែមួយប្រកួតគត់ក្នុងចំណោម ៦ ប្រកួតចុងក្រោយ ដោយចាញ់ ៣ ស្មើ២ ខណៈការប្រកួតចុងក្រោយស្មើក្នុងផ្ទះជាមួយ Alaves ក៍ដោយ។

លោក Rúben Baraja គឺជាអតីតខ្សែបម្រើរបស់ Valencia ដែលត្រូវបានតែងតាំងមកជាគ្រូបង្វឹកដោយក្លិបនៅខែកុម្ភៈ ឆ្នាំ ២០២៣ ហើយបានជួយក្រុមបញ្ចប់ក្នុងចំណាត់ថ្នាក់លេខ៩ ទោះបីរកមិនឃើញជ័យជំនះសោះនៅ៧ប្រកួតចុងក្រោយមុនបញ្ចប់រដូវកាល២០២៣-២៤។

បច្ចុប្បន្នក្រោយការចាកចេញរបស់គ្រូបង្វឹកជនជាតិអេស្ប៉ាញ ក្លិប Valencia កំពុងស្ថិតនៅចំណាត់ថ្នាក់លេខ១៩ បាតតារាងក្របខណ្ឌ La Liga ដោយមានត្រឹមតែ ១២ ពិន្ទុពីការប្រកួត ចំនួន ១៧ លើកនៅរដូវកាល ២០២៤-២៥នេះ។

សូមបញ្ជាក់ថា Valencia មិនដែលធ្លាក់ទៅលេងនៅក្របខណ្ឌលីគលំដាប់ទី២ អេស្ប៉ាញទេគិតចាប់តាំងពីរដូវកាល ១៩៨៦-១៩៨៧ មក ហើយលទ្ធផលដ៏អាក្រក់ដែលពួកគេកំពុងជួបប្រទះនេះ បានក្លាយជាហានិភ័យដ៏ធំមួយរបស់ក្លិប៕

អត្ថបទទាក់ទង

Valencia សម្រេចបញ្ចប់តំណែងគ្រូបង្វឹកលោក Rúben Baraja

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស