អ្នកការពារជើងឯកពិភពលោកម៉ូតូ GP Jorge Martin រងរបួសធ្ងន់ធ្ងរ ក្នុងការបើកបរសាកល្បងមុនរដូវកាលថ្មី

កីឡាចម្រុះ
February 7th, 2025 (1 month)
196 Views
Share

អ្នកការពារជើងឯកពិភពលោក ការប្រណាំងម៉ូតូ GP កីឡាករអេស្ប៉ាញ Jorge Martinបានរងរបួស បាក់ដៃ និងជើង ក្រោយជួបឧប្បត្តិហេតុ ក្នុងការបើកបរសាកល្បងមុនបើករដូវកាលថ្មី ២០២៥ នា ទីក្រុង Sepang ប្រទេសម៉ាឡេស៊ី។

របួសធ្ងន់ធ្ងររបស់កីឡាករវ័យ ២៧ឆ្នាំ តម្រូវអោយរូបគេត្រូវធ្វើការវះកាត់ព្យាបាល និង ត្រូវចំណាយពេលវេលាច្រើន ដែលនាំអោយមានការសង្ស័យពីការប្រកួតរបស់គេនៅក្នុងរដូវកាលនេះ។

Jorge Martin ដែលបានផ្លាស់ពីក្រុម Pramac Racing ទៅក្រុម Aprilia បន្ទាប់ពីឈ្នះជើងឯកពិភពលោកម៉ូតូ GP ឆ្នាំ ២០២៤ បានបាត់បង់ការគ្រប់គ្រងលើយានយន្ត អំឡុងបើកបរការសាកល្បង ដែលធ្វើអោយម៉ូតូដួល ហើយរូបគេបានប៉ើងទៅលើអាកាសធ្លាក់ចុះមកវិញជួបរបួសធ្ងន់ធ្ងរតែម្តង។ រូបគេត្រូវបានរថយន្តសង្គ្រោះដឹកទៅកាន់មន្ទីរពេទ្យភ្លាមៗដើម្បីសង្គ្រោះ។

ទាក់ទិននឹងបញ្ហានេះ ខាងស្ថាប័នការប្រណាំងម៉ូតូ GP បានចេញសេចក្តីថ្លែងការណ៍ថា “Jorge Martin បានរងរបួសបាក់ឆ្អឹងដៃស្តាំ និងបាក់ឆ្អឹងជើងឆ្វេង។ រូបគេនឹងត្រូវត្រឡប់ទៅអឺរ៉ុបវិញដើម្បីទទួលការវះកាត់ទាំងដៃស្តាំ និងជើងឆ្វេង។”

ការធ្វើតេស្តសាកល្បងការបើកបរម៉ូតូ GP មុនការប្រកួតនៅក្នុងរដូវកាល ២០២៥ នឹងដំណើរការនៅប្រទេសម៉ាឡេស៊ី រួចបន្តទៅធ្វើនៅប្រទេសថៃទៀត។

Martin មានពេលតែ៣សប្តាហ៍ប៉ុណ្ណោះដើម្បីព្យាបាល ខណៈការប្រកួតម៉ូតូ GP ដំណាក់ដំបូងនៃរដូវកាល ២០២៥ ដែលជាកម្មវិធី Thailand Motorcycle Grand Prix នឹងធ្វើឡើងនាថ្ងៃទី ២ ខែមីនាខាងមុខ នាខេត្ត Buriram ប្រទេសថៃ៕

អត្ថបទទាក់ទង

អ្នកការពារជើងឯកពិភពលោកម៉ូតូ GP Jorge Martin រងរបួសធ្ងន់ធ្ងរ ក្នុងការបើកបរសាកល្បងមុនរដូវកាលថ្មី

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស