គ្រូ Real Madrid ថា ខ្សែប្រយុទ្ធ Endrick នឹងមានការអភិវឌ្ឈបន្ថែមទៀត ក្រោយស៊ុតយកឈ្នះ Real Sociedad ក្នុងពានរង្វាន់ Copa del Rey

បាល់ទាត់
February 27th, 2025 (5 months)
440 Views
Share

លោក Carlo Ancelotti គ្រូបង្វឹក Real Madrid បានលើកសរសើរមិនដាច់ពីមាត់ទៅលើខ្សែប្រយុទ្ធ Endrick ក្រោយពីរូបគេស៊ុតបាល់បញ្ចូលទី ក្នុងជំនួបជើងទី១ វគ្គ៤ក្រុមចុងក្រោយ ពានរង្វាន់ Copa del Rey យកឈ្នះលើក្រុមម្ចាស់ផ្ទះ Real Sociedad ។

ការប្រកួតដែលធ្វើឡើងនាកីឡដ្ឋាន Reale Arena មានគ្រាប់បាល់តែ១គ្រាប់គត់បានកើតឡើងពីការស៊ុតបញ្ចូលទីរបស់ Endrick នៅក្នុងនាទី ១៩ នៃវគ្គទី១។

គ្រូបង្វឹកសញ្ជាតិអ៊ីតាលី និយាយថា ខ្សែប្រយុទ្ធប្រេស៊ីល វ័យ១៨ឆ្នាំ មានឱកាសក្នុងការអភិវឌ្ឈសមត្ថភាពបន្ថែមទៀត ដើម្បីក្លាយជាកីឡាករកំពូលមួយរូប ដោយយោងទៅលើ លក្ខណៈសម្បត្តិ និង ការសម្រេចចិត្តដ៏វៃឆ្លាតរបស់គេ។

លោក Ancelotti បាននិយាយ ក្រោយបញ្ចប់ការប្រកួតដូច្នេះថា “ Endrick គឺជាខ្សែប្រយុទ្ធដែលមានលក្ខណៈសម្បត្តិដែលគាត់បានបង្ហាញនៅក្នុងការប្រកួត នេះ។ គេមានក្រសែភ្នែកល្អខ្លាំងណាស់សម្រាប់ការស៊ុតបាល់បញ្ចូលទី ហើយថែមទាំងមានល្បឿនលឿន មិនគួរអោយជឿ។ រូបគេក៏នៅមានក្មេង និងរៀនបានលឿន។ ការស៊ុតរបស់គេពិតជាអស្ចារ្យណាស់។”

Real Madrid នឹងត្រូវជួបជាមួយ Real Sociedad ម្តងទៀតនៅក្នុង ជំនួបជើងទី២ វគ្គ៤ក្រុមចុងក្រោយ ពានរង្វាន់ Copa del Rey ដែលធ្វើឡើងនាកីឡដ្ឋាន Santiago Bernabéu វិញម្តង នៅថ្ងៃទី ១ ខែមេសាខាងមុខ៕

អត្ថបទទាក់ទង

គ្រូ Real Madrid ថា ខ្សែប្រយុទ្ធ Endrick នឹងមានការអភិវឌ្ឈបន្ថែមទៀត ក្រោយស៊ុតយកឈ្នះ Real Sociedad ក្នុងពានរង្វាន់ Copa del Rey

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស