ក្រុមបាល់ទាត់ Angkor United លើកពានក្នុងកម្មវិធីប្រកួតដ៏ធំរបស់ Ian Thompson Memorial Tournament ដោយបានបង្ហាញអំពីមនោសញ្ចេតនាបាល់ទាត់ និងភាពជាដៃគូ

បាល់ទាត់
March 21st, 2025 (4 months)
248 Views
Share

រាជធានីភ្នំពេញ ប្រទេសកម្ពុជា ខែមីនា ឆ្នាំ២០២៥

នៅក្នុងការបង្ហាញពីភាពប៉ិនប្រសប់ ការតាំងចិត្ត និងការងារជាក្រុមអង្គរ Angkor United ក្រុមដែលមានកីឡាករបាល់ទាត់វ័យក្មេងចំនួន15នាក់ ដែលឧបត្ថម្ភដោយ Cambodian Broadcasting Service (CBS)បានលេចចេញនូវជ័យជម្នះនៅក្នុងផ្នែករបស់ពួកគេ នៅក្នុងការប្រកួតបាល់ទាត់រំលឹកវិញ្ញាណក្ខន្ធ Ian Thompson ដ៏មានកិត្យានុភាព។ ព្រឹត្តិការណ៍មួយថ្ងៃដែលរៀបចំដោយ ISF Cambodia (ISF) បាននាំក្មេងប្រុសចំនួន 636នាក់ មកពីទូទាំងប្រទេស ដោយប្រារព្ធពិធីបាល់ទាត់ជាកាតាលីករសម្រាប់ការផ្លាស់ប្តូរជាវិជ្ជមាន។ ភាពជាដៃគូរវាង ISF និង CBS ដើរតួនាទីយ៉ាងសំខាន់ក្នុងការផ្តល់នូវឱកាសផ្លាស់ប្តូរជីវិតសម្រាប់កុមារក្រីក្រ។ Angkor United ដែលជាក្រុមអាយុក្រោម 10ឆ្នាំ ដែលមានក្មេងប្រុសមកពីសហគមន៍ក្រីក្រក្នុងទីក្រុង បានរីកចម្រើនក្រោមការឧបត្ថម្ភនេះ ដែលមិនត្រឹមតែទទួលបានជំនាញបាល់ទាត់ប៉ុណ្ណោះទេ ប៉ុន្តែ ថែមទាំងមានទំនុកចិត្ត វិន័យ និងការងារជាក្រុមដែលនឹងផ្តល់អត្ថប្រយោជន៍ដល់ពួកគេលើសពីទីលាន។

លោកស្រី ជា វិច្ឆិកា នាយកប្រតិបត្តិនៃអង្គការ ISF កម្ពុជាបានមានប្រសាសន៍ថា ៖ ឃើញស្នាមញញឹមរបស់ Angkor United នៅពេលពួកគេលើកពានរង្វាន់ គឺជាពេលវេលាដ៏មានមោទនភាពមួយ។ ប៉ុន្តែ ភាពជោគជ័យពិតប្រាកដនៃការប្រកួតនេះ គឺស្ថិតនៅលើកុមារារាប់រយនាក់ ដែលទទួលបាននូវទំនុកចិត្តការងារជាក្រុម និងជំនាញជីវិតតាមរយៈកីឡាបាល់ទាត់។ ភាពជាដៃគូដ៏រឹងមាំដូចយើងជាមួយ CBS ជួយធានាថា កុមារគ្រប់រូប មិនថាស្ថិតក្នុងកាលៈទេសៈណានោះទេ មានឱកាសដើម្បីរីកចម្រើន និងទទួលបានជោគជ័យ។

ការប្រកួត Memorial Tournament Ian Thompson គឺជាការបង្ហាញពីប្រតិទិនបាល់ទាត់យុវជនកម្ពុជា ដែលផ្តល់ឱកាសឱ្យអត្តពលិកវ័យក្មេងមកពីមជ្ឈដ្ឋានចម្រុះមានឱកាសប្រកួតប្រជែងថ្នាក់ជាតិ។ វិថីនៃជ័យជំនះរបស់ Angkor United ក្នុងការឃើញពួកគេមានប្រៀបជាងក្រុមចំនួន17ផ្សេងទៀត ក្នុងផ្នែករបស់ពួកគេ ដែលបង្ហាញពីការងារជាក្រុម និងឆន្ទៈកីឡាដ៏ឆ្នើម។

លោក Dave Ulmer នាយកប្រតិបត្តិនៃក្រុមហ៊ុន CBS ក៏បានមានប្រសាសន៍ផងដែរថា ៖ CBS គឺជាអ្នកគាំទ្រដែលខិតខំប្រឹងប្រែងក្នុងបេសកកម្មរបស់ ISF ដោយទទួលស្គាល់ថាមពលផ្លាស់ប្តូរនៃកីឡាបាល់ទាត់។ យើងមានមោទនភាពចំពោះសមិទ្ធផលរបស់Angkor United។ ភាពជាដៃគូរបស់យើងជាមួយ ISF គឺអំពីច្រើនជាងបាល់ទាត់ វាគឺអំពីការផ្តល់ឱកាសដល់កីឡាករវ័យក្មេង ដើម្បីអភិវឌ្ឍជំនាញ កសាងទំនុកចិត្ត និងបង្កើតអនាគតដ៏ភ្លឺស្វាង។

កម្មវិធីបាល់ទាត់របស់ ISF បន្តផ្តល់ឱកាសផ្លាស់ប្តូរជីវិតសម្រាប់កុមារនៅទូទាំងប្រទេសកម្ពុជា ដោយធានាថា ពួកគេមានលទ្ធភាពទទួលបានកីឡា ការអប់រំ និងសហគមន៍ដែលមានរចនាសម្ព័ន្ធគាំទ្រ។ ភាពជោគជ័យរបស់ Angkor United គឺជាសក្ខីភាពមួយអំពីរបៀបដែលភាពជាដៃគូដូចជា ISF និង CBS អាចជំរុញឱ្យមានការផ្លាស់ប្តូរប្រកបដោយអត្ថន័យ និងយូរអង្វែង។

សូមជម្រាបជូនថា ចាប់តាំងពីការបង្កើតឡើងដំបូងក្នុងឆ្នាំ២០០៣ ក្រុមហ៊ុន Cambodian Broadcasting Service (CBS) ដែលជាផ្នែកមួយនៃក្រុមហ៊ុនរ៉ូយ៉ាល់គ្រុប ត្រូវបានទទួលស្គាល់ថាជាបណ្តាញផ្សព្វផ្សាយនាំមុខគេ និងមានបទដ្ឋានច្នៃប្រឌិតខ្ពស់ក្នុងវិស័យទូរទស្សន៍កម្ពុជា។ ក្នុងរយៈពេលជាច្រើនឆ្នាំមកនេះ ក្រុមហ៊ុន CBS បានខិតខំយ៉ាងខ្លាំងក្លា ក្នុងការបម្រើជាចំណីចក្ខុ និងចំណេះដឹងដល់ពលរដ្ឋកម្ពុជា តាមរយៈការផ្តល់កម្មវិធីផ្សាយលំដាប់អន្តរជាតិ ដែលនាំមកជូននូវទស្សនីយភាពកម្សាន្ត ការអប់រំ និងការបំផុសគំនិតផ្សេងៗ។ បន្ថែមពីនេះ ក៏រួមមានកម្មវិធីកម្សាន្ត ព័ត៌មាន និងចំណេះដឹងដ៏មានប្រជាប្រិយភាពបំផុតសម្រាប់អ្នកទស្សនារាប់លាននាក់នៅលើកញ្ចក់ទូរទស្សន៍ អនឡាញ និងតាមបណ្តាញផ្សព្វផ្សាយឌីជីថល ដូចជា CTN, MyTV, CNC, CNC Sports, និង CBS Digital ដោយធើ្វឱ្យ CBS ក្លាយជាក្រុមហ៊ុនប្រព័ន្ធផ្សព្វផ្សាយមួយដែលមានអ្នក ស្រលាញ់ គោរព និង ទស្សនា ច្រើនបំផុតក្នុងប្រទេសកម្ពុជា។

គួររំឮកថា ក្រុមហ៊ុន CBS ក៏ជាអ្នកឧបត្ថម្ភ និងជាដៃគូដ៏ធំមួយរបស់មូលនិធិ Cambodian Children’s Fund (CCF) និងអង្គការ Indochina Starfish Foundation (ISF) រួមទាំងបើកចំហរសម្រាប់ជំនួយសប្បុរសធម៌ដោយមិនប្រកាន់ជំនឿសាសនា ដែលជំរុញលើកកម្ពស់សិទ្ធិអំណាចរបស់កុមារនិងពលរដ្ឋក្រីក្រនៅកម្ពុជា ដើម្បីការផ្លាស់ប្តូរជីវិតជាវិជ្ជមាន ដោយផ្តល់ការអប់រំប្រកបដោយគុណភាព សេវាសុខាភិបាលល្អប្រសើ និងឱកាសផ្សេងៗទៀតនៅក្នុងសង្គម ៕

#CBS #CTN #MYTV #CNC

អត្ថបទទាក់ទង

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស