គ្រូ Barcelona ថា ក្រុមខ្លួនមានសមត្ថភាពគ្រប់គ្រាន់ក្នុងការប្រកួតទោះកីឡាករមួយចំនួនអវត្តមាន

បាល់ទាត់
March 27th, 2025 (12 months)
823 Views
Share

គ្រូបង្វឹក Barcelona លោក Hansi Flick បាននិយាយថា ក្រុមខ្លួនមានសមត្ថភាពគ្រប់គ្រាន់ក្នុងការប្រកួតទល់នឹងក្រុមនានា ទោះកីឡាករមួយចំនួនអវត្តមានដោយសារត្រូវជាប់ភារកិច្ចជាមួយក្រុមជម្រើសជាតិរបស់ពួកគេក្តី។

ជាការពិត Barcelona នឹងត្រូវជួបប្រកួតជាមួយ Osasuna ក្នុងក្របខណ្ឌ La Liga ដែលធ្វើឡើង នាពាក់កណ្តាលសប្តាហ៍នេះ។ វាជាការប្រកួតសាជាថ្មី រវាងក្រុមទាំង២ បន្ទាប់ពីការប្រកួតលើកមុន កាលពីថ្ងៃទី៨ខែមីនា ត្រូវបានផ្អាក ដោយសារ បុគ្គលិកពេទ្យរបស់ក្រមអ្នកមានបុណ្យ លោក Carles Minarro Garcia បានទទួលមរណភាព ។

សម្រាប់ការប្រកាសកាលបរិច្ឆេទការប្រកួតថ្មីនេះដែរ ខាងក្រុម Barcelona មិនមានការពេញចិត្តនោះទេ ដោយពួកគេនឹងត្រូវអវត្តមានកីឡាករសំខាន់២រូបគឺ Raphinha និង Ronald Araujo ដែលជាប់ភារកិច្ចជាមួយក្រុមជម្រើសជាតិរៀងខ្លួនក្នុងពានរង្វាន់ FIFA World Cup ឆ្នាំ ២០២៦ តំបន់អាមេរិកខាងត្បូង CONMEBOL។ យ៉ាងណា ចុងក្រោយ ពួកគេបានសម្រេច ទទួលយកការប្រកាសពីសំណាក់ ស្ថាប័ន La Liga។នៅក្នុងការត្រៀមខ្លួនចូលរួមការប្រកួត លោក Hansi Flick បានយល់ឃើញថា ក្រុមរ Barcelona បស់លោក នៅតែមានសមត្ថភាពគ្រប់គ្រាន់ ទោះជាអវត្តមានកីឡាករមួយចំនួន។

លោក Hansi Flick បានអោយដឹងដូច្នេះ “ ខ្ញុំគិតថាយើងជាក្រុមមានគុណភាពធំមួយ ហើយយើងអាចឈ្នះលើក្រុមដទៃផងដែរ ប្រសិនបើមានកីឡាករខ្លះដែលមិននៅក្នុងក្រុម។ ដូច្នេះសម្រាប់ខ្ញុំ យើងផ្តោតលើរឿងនេះ យើងកំពុងទន្ទឹងរង់ចាំ ការប្រកួតជាមួយ Osasuna ហើយមានភាពវិជ្ជមានខ្លាំងអំពីរឿងនោះ។”

ឆ្លងកាត់២៧ប្រកួតកន្លងមក Barcelona នៅឈរកំពូលតារាងក្របខណ្ឌ La Liga មាន៦០ពិន្ទុ ស្មើពិន្ទុក្រុមលេខ២ Real Madrid តែ Real Madrid លេងមុន១ប្រកួត។ រីឯគូប្រជែងរបស់ពួកគេគឺក្រុម Osasuna នៅឈរលេខ ១៤ មាន ៣៣ពិន្ទុ៕

អត្ថបទទាក់ទង

គ្រូ Barcelona ថា ក្រុមខ្លួនមានសមត្ថភាពគ្រប់គ្រាន់ក្នុងការប្រកួតទោះកីឡាករមួយចំនួនអវត្តមាន

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស