កីឡាការិនីលេខ១ពិភពលោក Aryna Sabalenka បន្តឡើងវគ្គ៤នាក់ចុងក្រោយ ការប្រកួតវាយកូនបាល់ Madrid Open 2025

កីឡាចម្រុះ
May 1st, 2025 (12 months)
1878 Views
Share

កីឡាការិនីវាយកូនបាល់ដែលកំពុងឈរលេខ១ពិភពលោក Aryna Sabalenka បានបន្តឡើងដល់វគ្គពាក់កណ្តាលផ្តាច់ព្រ័ត្រ ហើយ នៃការប្រកួតកម្មវិធី Madrid Open 2025។

ជាក់ស្តែង នារីជនជាតិបែលឡារុស បានយកឈ្នះកីឡាការិនីអ៊ុយក្រែន Marta Kostyuk នៅក្នុងវគ្គ៨នាក់ចុងក្រោយ តាមរយៈលទ្ធផល 7-6 និង 7-6 ចាយពេលអស់ ២ម៉ោង កន្លះ។

Aryna Sabalenka នឹងឡើងមកជួបកីឡាការិនីអ៊ុយក្រែនមួយរូបទៀត គឺកីឡាការិនី Elina Svitolina ដែលបានយកឈ្នះកីឡាការិនីជប៉ុន Moyuka Uchijima។

រីឯការប្រកួត១គូទៀតគឺកីឡាការិនីប៉ូឡូញ Iga Świątek បានយកឈ្នះទៅលើកីឡាការិនីអាមេរិក Madison Keys នៅក្នុងវគ្គ៨នាក់ចុងក្រោយ ដោយលទ្ធផល 0-6 6-3 និង 6-2 ចាយពេលអស់ ១ម៉ោង៤៦នាទី។

កីឡាការិនី Iga Świątek នឹងបន្តឡើងវគ្គ៤នាក់ចុងក្រោយ ជួបកីឡាការិនី អាមេរិកមួយរូបទៀតគឺកីឡាការិនី Coco Gauff ដែលបានយកឈ្នះកីឡាការិនីរុស្ស៊ី Mirra Andreeva៕

អត្ថបទទាក់ទង

កីឡាការិនីលេខ១ពិភពលោក Aryna Sabalenka បន្តឡើងវគ្គ៤នាក់ចុងក្រោយ ការប្រកួតវាយកូនបាល់ Madrid Open 2025

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស