អ្នកវាយកូនបាល់ Alexander Zverev និង Jack Draper ចាប់ដៃគ្នាឡើងជុំទី៤កម្មវិធី Italian Open 2025

កីឡាចម្រុះ
May 12th, 2025 (11 months)
534 Views
Share

កីឡាករអាល្លឺម៉ង់ Alexander Zverev និងកីឡាករអង់គ្លេស Jack Draper បានបន្តឡើងដល់ជុំទី៤ដូចគ្នា នៅក្នុងការប្រកួតវាយកូនបាល់ កម្មវិធី Italian Open 2025 ដែលធ្វើឡើងនាទីក្រុង Rome ប្រទេសអ៊ីតាលី។

សម្រាប់ Alexander Zverev ការឡើងមកនេះបន្ទាប់ពីកីឡាករដែលកំពុងឈរលេខ២ពិភពលោករូបនេះ បានយកឈ្នះកីឡាករលីទុយអានី Vilius Gaubas នៅក្នុងការប្រកួតជុំទី៣ ដោយលទ្ធផល 6-4 និង 6-0 ចាយពេលអស់១ម៉ោង កន្លះ។

Alexander Zverev នឹងទៅជួបកីឡាករបារាំង Arthur Fils ដែលបានទម្លាក់កីឡាករក្រិច Stefanos Tsitsipas។

ចំណែកឯ Jack Draper ដែលកំពុងកាន់កាប់ចំណាត់ថ្នាក់លេខ៥ពិភពលោកវិញ បានយកឈ្នះទៅលើកីឡាករឆេក Vít Kopřiva នៅក្នុងការប្រកួតជុំទី៣ ដោយលទ្ធផល 6-4 និង 6-3។

Jack Draper នឹងទៅជួបកីឡាករបារាំង Corentin Moutet ដែលបានទម្លាក់កីឡាករដាណឺម៉ាក Holger Rune។

ងាកមកកាន់ការប្រកួតខាងផ្នែកនារីវិញ កីឡាការិនីដែលកំពុងឈរលេខ១ពិភពលោកមកពីបែលឡារូស Aryna Sabalenka បានយកឈ្នះកីឡាការិនីអាមេរិក Sofia Kenin នៅក្នុងការប្រកួតជុំទី៣ ដោយលទ្ធផល 3-6 6-3 និង 6-3 ។

Aryna Sabalenka នឹងបន្តឡើងជុំទី៤ ជួបកីឡាការិនីអ៊ុយក្រែន Marta Kostyuk ដែលបានយកឈ្នះកីឡាការិនីកាណាដា Leylah Fernandez។

១គូទៀតគឺកីឡាការិនីអាមេរិក Coco Gauff បានយកឈ្នះកីឡាការិនីប៉ូឡូញ Magda Linette នៅក្នុងជុំទី៣ ដោយលទ្ធផល 7-5 និង 6-3។

Coco Gauff នឹងឡើងមកជួបកីឡាការិនីអង់គ្លេស Emma Raducanu ដែលបានទម្លាក់កីឡាការិនី រុស្ស៊ី Veronika Kudermetova៕

អត្ថបទទាក់ទង

អ្នកវាយកូនបាល់ Alexander Zverev និង Jack Draper ចាប់ដៃគ្នាឡើងជុំទី៤កម្មវិធី Italian Open 2025

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស