កីឡាករវាយកូនបាល់លេខ១ពិភពលោក Jannik Sinner ឡើងដល់វគ្គ៤នាក់ចុងក្រោយកម្មវិធី Italian Open 2025

កីឡាចម្រុះ
May 16th, 2025 (10 months)
559 Views
Share

ការប្រកួតវាយកូនបាល់កម្មវិធី Italian Open 2025 ផ្នែកបុរស បានបន្តឈានដល់វគ្គ៨នាក់ចុងក្រោយហើយ ដែលការប្រកួតបានធ្វើឡើងនាទីក្រុង Rome ប្រទេសអ៊ីតាលី។

នៅក្នុងនោះដែរ កីឡាករដែលកំពុងកាន់កាប់ចំណាត់ថ្នាក់លេខ១ពិភពលោក និង ជាម្ចាស់ផ្ទះផង គឺកីឡាករ Jannik Sinner បានយកឈ្នះទៅលើ កីឡាករន័រវេស Casper Ruud តាមរយៈលទ្ធផល 6-0 និង 6-1 ចាយពេលអស់ ៦៣នាទី។

Jannik Sinner នឹងបន្តឡើងទៅកាន់វគ្គ៤នាក់ចុងក្រោយ ជួបកីឡាករអាមេរិក Tommy Paul ដែលបានយកឈ្នះកីឡាករប៉ូឡូញ Hubert Hurkacz។

១គូទៀតក្នុងវគ្គ៨នាក់ចុងក្រោយនេះដែរ គឺកីឡាករម្ចាស់ផ្ទះ Lorenzo Musetti បានយកឈ្នះទៅលើកីឡាករដែលកំពុងឈរលេខ២ពិភពលោកមកពីអាល្លឺម៉ង់ Alexander Zverev តាមរយៈលទ្ធផល 7-6 និង 6-4 ដើម្បីឡើងទៅកាន់វគ្គ៤នាក់ចុងក្រោយជួបកីឡាករដែលកំពុងឈរលេខ៣ពិភពលោកមកពីអេស្ប៉ាញ Carlos Alcaraz ដែលបានយកឈ្នះកីឡាករអង់គ្លេស Jack Draper។

ក្រឡេកមកកាន់ការប្រកួតខាងផ្នែកនារីវិញម្តងគឺ កីឡាការិនីអាមេរិក Coco Gauff បានឡើងទៅដល់វគ្គផ្តាច់ព្រ័ត្រ ទៅហើយ ក្រោយពីបានយកឈ្នះកីឡាការិនី ចិន Zheng Qinwen នៅក្នុងវគ្គ៤នាក់ចុងក្រោយដោយលទ្ធផល 7-6 4-6 និង 7-6។

កីឡាការិនី Coco Gauff នឹងបន្តមកជួបកីឡាការិនីម្ចាស់ផ្ទះ Jasmine Paolini ដែលបានវាយទម្លាក់កីឡាការិនីអាមេរិក Peyton Stearns៕

អត្ថបទទាក់ទង

កីឡាករវាយកូនបាល់លេខ១ពិភពលោក Jannik Sinner ឡើងដល់វគ្គ៤នាក់ចុងក្រោយកម្មវិធី Italian Open 2025

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស