អ្នកវាយកូនបាល់ Flavio Cobolli ឈ្នះជើងឯកកម្មវិធី Hamburg Open 2025

កីឡាចម្រុះ
May 26th, 2025 (2 months)
397 Views
Share

ការប្រកួតវាយកូនបាល់កម្រិត ATP 500 កម្មវិធី Hamburg Open 2025 បានបញ្ចប់ជាស្ថាពរហើយ ក្រោយពីដំណើរការរយៈពេល១សប្តាហ៍កន្លងមក នាទីក្រុង Hamburg ប្រទេសអាល្លឺម៉ង់។

នៅក្នុងនោះគេក៏បានរកឃើញអ្នកឈ្នះជើងឯកផងដែរ នោះគឺកីឡាករអ៊ីតាលី Flavio Cobolli ដោយបានយកឈ្នះកីឡាកររុស្ស៊ី Andrey Rublev នៅក្នុងការប្រកួតវគ្គផ្តាច់ព្រ័ត្រ តាមរយៈលទ្ធផល 6-2 និង 6-4 ។

នេះជាការឈ្នះពានរង្វាន់ដំបូងនៅក្នុងឆ្នាំ២០២៥ និង ជាពានរង្វាន់ធំបំផុតមួយក្នុងអាជីពរបស់កីឡាករ Flavio Cobolli ។

ជ័យជំនះនេះក៏នឹងធ្វើអោយ កីឡាករវ័យ២៣ឆ្នាំនឹងហក់ឡើងចំណាត់ថ្នាក់ ពីលេខ ៣៥ មកលេខ២៦ ពិភពលោក ពេលដែលតារាងចំណាត់ថ្នាក់ធ្វើការផ្លាស់ប្តូរនៅថ្ងៃចន្ទនេះ។

សូមបញ្ជាក់ថា កម្មវិធី Hamburg Open 2025 គឺជាការដំណើរការលើកទី ១១៩ នៅក្នុងប្រវត្តិសាស្ត្រ ។ សម្រាប់ប្រាក់រង្វាន់នៃកម្មវិធី មានប្រមាណ ២លាន ៤សែនដុល្លារអាមេរិក។
កម្មវិធី Hamburg Open ក៏ជាការប្រកួតកម្តៅសាច់ដុំរបស់កីឡាករ មុនពេលពួកគេត្រូវទៅចូលរួមការប្រកួតកម្រិត Grand Slam កម្មវិធី French Open 2025៕

អត្ថបទទាក់ទង

អ្នកវាយកូនបាល់ Flavio Cobolli ឈ្នះជើងឯកកម្មវិធី Hamburg Open 2025

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស