CBS បង្ហាញនវានុវត្តន៍ឈានមុខគេផ្នែកប្រព័ន្ធផ្សព្វផ្សាយ នៅក្នុងព្រឹត្តិការណ៍ Broadcast Asia ឆ្នាំ២០២៥

ផ្សេងៗ
June 2nd, 2025 (1 month)
98 Views
Share

សិង្ហបុរី ថ្ងៃទី២៩ ខែឧសភា ឆ្នាំ២០២៥ ៖ ក្រុមហ៊ុន Cambodian Broadcasting Service (CBS) ដែលជាផ្នែកមួយនៃក្រុមហ៊ុន រ៉ូយ៉ាល់គ្រុប មានមោទកភាពក្នុងការដាក់បង្ហាញនូវនវានុវត្តន៍ចុងក្រោយបង្អស់របស់ខ្លួនក្នុងវិស័យផ្សព្វផ្សាយ នៅក្នុងព្រឹត្តិការណ៍ Broadcast Asia ឆ្នាំ២០២៥ ដែលជាព្រឹត្តិការណ៍បច្ចេកវិទ្យាផ្សព្វផ្សាយឈានមុខគេប្រចាំតំបន់អាស៊ី ប្រារព្ធធ្វើឡើងនៅប្រទេសសិង្ហបុរី ចាប់ពីថ្ងៃទី២៧ ដល់ថ្ងៃទី២៩ ខែឧសភា។

លោក Dave Ulmer នាយកប្រតិបត្តិនៃក្រុមហ៊ុន CBS បានឡើងថ្លែងសុន្ទរកថាដើម្បីគូសបញ្ជាក់អំពីបរិវត្តកម្មឌីជីថលដែលកំពុងបន្តរបស់ក្រុមហ៊ុន និងតួនាទីដ៏សំខាន់នៃបញ្ញាសិប្បនិម្មិត (AI) ក្នុងការធ្វើបដិវត្តន៍ប្រតិបត្តិការនៅគ្រប់ផ្នែកទាំងអស់នៃអាជីវកម្ម។ ក្នុងអំឡុងពេលសុន្ទរកថាដ៏សំខាន់នេះ លោកបានរៀបរាប់លម្អិតអំពីរបៀបដែល CBS បានទទួលយកបច្ចេកវិទ្យាទំនើបឈានមុខគេដើម្បីបង្កើនការផលិតមាតិកា សម្រួលលំហូរការងារ និងជំរុញការចូលរួមរបស់ទស្សនិកជនពេញមួយឆ្នាំ។

លោក Dave ក៏បានចែករំលែកនូវផែនការមហិច្ឆតារបស់ CBS សម្រាប់ពេលអនាគតផងដែរ ដោយគូសបញ្ជាក់អំពីការប្តេជ្ញាចិត្តរបស់ក្រុមហ៊ុន ក្នុងការដាក់បញ្ចូលប្រទេសកម្ពុជាទៅក្នុងផែនទីសាកលសម្រាប់ក្រុមហ៊ុនផលិតភាពយន្ត និងកម្មវិធីទូរទស្សន៍។ លោកបានសង្កត់ធ្ងន់លើការវិនិយោគដែលកំពុងបន្តរបស់ CBS លើវិស័យអប់រំ ការបណ្តុះបណ្តាល និងនវានុវត្តន៍ឌីជីថល ដែលជួយរៀបចំអនាគតដ៏ភ្លឺស្វាង និងកាន់តែសកម្មនៅលើឆាកអន្តរជាតិ សម្រាប់ឧស្សាហកម្មច្នៃប្រឌិតរបស់កម្ពុជា។

អត្ថបទទាក់ទង

CBS បង្ហាញនវានុវត្តន៍ឈានមុខគេផ្នែកប្រព័ន្ធផ្សព្វផ្សាយ នៅក្នុងព្រឹត្តិការណ៍ Broadcast Asia ឆ្នាំ២០២៥

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស