អ្នកវាយកូនបាល់ Novak Djokovic ឡើងដល់វគ្គ៤នាក់ចុងក្រោយកម្មវិធី French Open 2025

កីឡាចម្រុះ
June 5th, 2025 (10 months)
1215 Views
Share

កីឡាករដែលកំពុងឈរលេខ៦ពិភពលោកមកពីសែប Novak Djokovic បានបន្តឡើងដល់វគ្គពាក់កណ្តាលផ្តាច់ព្រ័ត្រ នៃការប្រកួតវាយកូនបាល់កម្មវិធី French Open 2025។

ការឡើងមកនេះ បន្ទាប់ពីកីឡាករម្ចាស់ជើងឯក French Open ៣សម័យរូបនេះ បានយកឈ្នះទៅលើ កីឡាករដែលកំពុងឈរលេខ៣ពិភពលោកមកពីអាល្លឺម៉ង់ Alexander Zverev នៅក្នុងការប្រកួតវគ្គ៨នាក់ចុងក្រោយ តាមរយៈលទ្ធផល 4-6 6-3 6-2 និង 6-4 ចាយពេលអស់ជាង ៣ម៉ោង ១៧នាទី។

Novak Djokovic នឹងបន្តឡើងទៅជួបកីឡាករដែលកំពុងឈរលេខ១ពិភពលោកមកពីអ៊ីតាលី Jannik Sinner ដែលបានវាយទម្លាក់កីឡាករ កាហ្សាក់ស្ថាន Alexander Bublik។

ងាកមកខាងផ្នែកនារីវិញ កីឡាការិនីបារាំង Loïs Boisson បានយកឈ្នះកីឡាការិនី រុស្ស៊ី Mirra Andreeva នៅក្នុងការប្រកួតវគ្គ៨នាក់ចុងក្រោយ ដោយលទ្ធផល 7-6 និង 6-3។

កីឡាការិនី Loïs Boisson នឹងបន្តឡើងទៅកាន់វគ្គពាក់កណ្តាលផ្តាច់ព្រ័ត្រ ជួបកីឡាការិនីដែលកំពុងឈរលេខ២ ពិភពលោកមកពីអាមេរិក Coco Gauff ដែលបានយកឈ្នះកីឡាការិនី Madison Keys ជនជាតិអាមេរិកដូចគ្នា៕

អត្ថបទទាក់ទង

អ្នកវាយកូនបាល់ Novak Djokovic ឡើងដល់វគ្គ៤នាក់ចុងក្រោយកម្មវិធី French Open 2025

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស