កីឡាករវាយសី Loh Kean Yew ឆ្លងផុតជុំទី១ កម្មវិធី Indonesia Open 2025

កីឡាចម្រុះ
June 5th, 2025 (9 months)
1252 Views
Share

ការប្រកួតវាយសី កម្មវិធី Indonesia Open 2025 បានចាប់ផ្តើមដំណើរការជាផ្លូវការហើយ ដោយបានប្រព្រឹត្តិទៅនាទីក្រុង Jakarta ប្រទេសឥណ្ឌូនេស៊ី។

នៅក្នុងការប្រកួតជុំទី១នោះដែរ កីឡាករសឹង្ហបុរី Loh Kean Yew បានទទួលជ័យជំនះទៅលើកីឡាករឥណ្ឌា Kiran George តាមរយៈលទ្ធផល 22-20 និង 21-9។

កីឡាករ Loh Kean Yew នឹងបន្តឡើងជុំទី២ជួបកីឡាករបារាំង Alex Lanier ដែលបានយកឈ្នះកីឡាករចិន Weng Hongyang។

រីឯកីឡាករតៃវ៉ាន់ Lee Chia-hao បានយកឈ្នះទៅលើកីឡាករចិន Lu Guangzu នៅក្នុងការប្រកួតជុំទី១ នេះដែរ ដោយលទ្ធផល 22-20 24-26 និង 21-13។

កីឡាករ Lee Chia-hao នឹងបន្តឡើងជុំទី២ជួបកីឡាករថៃ Kunlavut Vitidsarn ដែលបានយកឈ្នះកីឡាករតៃវ៉ាន់ Wang Tzu-wei។

ងាកទៅកាន់ការប្រកួតខាងផ្នែកនារីវិញ កីឡាការិនីជប៉ុន Tomoka Miyazaki បានយកឈ្នះកីឡាការិនី កាណាដា Michelle Li នៅក្នុងការប្រកួតជុំទី១ ដោយលទ្ធផល 19-21 21-14 និង 25-23 ដើម្បីឡើងទៅកាន់ជុំទី២ ជួបកីឡាការិនីចិន Gao Fangjie ដែលបានទម្លាក់កីឡាការិនីអ៊ុយក្រែន Polina Buhrova។

សូមបញ្ជាក់ថា ការប្រកួតវាយសី កម្មវិធី Indonesia Open 2025 គឺជាការដំណើរការលើកទី១៦ នៅក្នុងប្រវត្តិសាស្ត្ររបស់ខ្លួន ដោយធ្វើឡើងចាប់ពីថ្ងៃទី ៣ ដល់ ៨ ខែមិថុនា ។ សម្រាប់ប្រាក់រង្វាន់នៃកម្មវិធីមានប្រមាណ ១លាន ៤សែនដុល្លារ៕

អត្ថបទទាក់ទង

កីឡាករវាយសី Loh Kean Yew ឆ្លងផុតជុំទី១ កម្មវិធី Indonesia Open 2025

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស