កីឡាការិនីការពារជើងឯក Chen Yufei ឡើងដល់វគ្គ៨នាក់ចុងក្រោយការប្រកួតវាយសី កម្មវិធី Indonesia Open 2025

កីឡាចម្រុះ
June 6th, 2025 (1 month)
869 Views
Share

កីឡាការិនីចិន Chen Yufei នឹងជាម្ចាស់ការពារតំណែងជើងឯកនៃការប្រកួតវាយសី កម្មវិធី Indonesia Open បានបន្តឈានដល់វគ្គ៨នាក់ចុងក្រោយហើយ ដោយការប្រកួតធ្វើឡើងនាទីក្រុង Jakarta ប្រទេសឥណ្ឌូនេស៊ី។

ជាក់ស្តែង ការឡើងមកនេះបន្ទាប់ពីនារីវ័យ២៧ឆ្នាំ បានយកឈ្នះកីឡាការិនីជប៉ុន Natsuki Nidaira នៅក្នុងការប្រកួតជុំទី២ ដោយលទ្ធផល 21-9 និង 21-14។

កីឡាការិនី Chen Yufei នឹងឡើងមកជួបកីឡាការិនីជនជាតិចិនដូចគ្នា គឺកីឡាការិនី Han Yue ដែលបានទម្លាក់កីឡាការិនីតៃវ៉ាន់ Lin Hsiang-ti។

ការប្រកួត១គូទៀតគឺកីឡាការិនី ជប៉ុន Akane Yamaguchi បានយកឈ្នះកីឡាការិនីតៃវ៉ាន់ Sung Shuo-yun នៅក្នុងការប្រកួតជុំទី២ដោយលទ្ធផល 21-12 និង 21-17។

កីឡាការិនី Akane Yamaguchi នឹងបន្តឡើងវគ្គ៨នាក់ចុងក្រោយជួបកីឡាការិនីម្ចាស់ផ្ទះ Putri Kusuma Wardani ដែលបានទម្លាក់កីឡាការិនីថៃ Supanida Katethong។

ងាកមកកាន់ការប្រកួតខាងផ្នែកបុរសវិញ កីឡាករដែលកំពុងឈរលេខ២ពិភពលោក គឺកីឡាករចិន Shi Yuqi បានយកឈ្នះកីឡាករជប៉ុន Yushi Tanaka នៅក្នុងការប្រកួតជុំទី២ដោយលទ្ធផល 21-14 និង 21-7។

កីឡាករ Shi Yuqi នឹងបន្តឡើងវគ្គ៨នាក់ចុងក្រោយជួបកីឡាករជនជាតិចិនដូចគ្នាគឺកីឡាករ Wang Zhengxing ដែលបានទម្លាក់កីឡាករន័រវេស Rasmus Gemke៕

អត្ថបទទាក់ទង

កីឡាការិនីការពារជើងឯក Chen Yufei ឡើងដល់វគ្គ៨នាក់ចុងក្រោយការប្រកួតវាយសី កម្មវិធី Indonesia Open 2025

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស