រឹងមាំដូចដែកថែប៖ អ្វីដែលបេក្ខជនកម្លាំងគោជល់អាចរៀនសូត្រពី Red Bull Crashed Ice

កីឡាចម្រុះ
June 6th, 2025 (11 months)
1640 Views
Share

ការប៉ះទង្គិចក្នុងល្បឿនលឿន ផ្លូវជម្រាលទឹកកកដ៏ចោត និងគ្មានពេលសម្រាប់ស្ទាក់ស្ទើរ មាននៅក្នុងវិញ្ញាសា Red Bull Crashed Ice ដែលជាកីឡាមួយប្រភេទក្នុងចំណោមកីឡាជិះស្គីដ៏សាហាវបំផុត។ ប៉ុន្តែនៅពីក្រោយសកម្មភាពដ៏តានតឹងនេះ គឺជាប្រព័ន្ធដែលរៀបចំឡើងដោយប្រុងប្រយ័ត្ននូវការហ្វឹកហាត់កម្លាំងកាយ ការបន្ស៊ាំផ្លូវចិត្ត និងការការពាររបួស ដែលបេក្ខជនរបស់កម្មវិធី «កម្លាំងគោជល់» ឧបត្ថម្ភផ្ដាច់មុខដោយ Red Bull អាចយកជាគំរូបាន។

អត្តពលិកក្នុងការប្រណាំង Crashed Ice ជាញឹកញាប់ប្រើប្រាស់ល្បឿនលើសពី ៥០ គីឡូម៉ែត្រក្នុងមួយម៉ោង ខណៈពេលឆ្លងកាត់ឧបសគ្គលោត ការបត់បែនខ្លាំង និងការប៉ះទង្គិចរាងកាយ។ ដើម្បីឈរជើងបាន និងសម្រេចបានលទ្ធផលល្អនៅក្នុងបរិយាកាសនេះ បេក្ខជនពឹងផ្អែកលើកម្លាំងពេញរាងកាយ កម្លាំងជើងខ្លាំងក្លា និងការទប់លំនឹងដ៏ល្អ។ លោក Kyle Croxall អតីតកីឡាករជើងចាស់ Crashed Ice និងជាអ្នកពន្លត់អគ្គិភ័យអាជីព បាននិយាយថា ការហ្វឹកហាត់របស់ពួកគាត់គឺផ្តោតលើភាពបត់បែន និងការការពារសន្លាក់ពីរបួស អ្នកមិនអាចគ្រាន់តែខ្លាំងនោះទេ អ្នកត្រូវតែមានភាពធន់។

ការសង្កត់ធ្ងន់លើភាពធន់នេះ ក៏ត្រូវបានឆ្លុះបញ្ចាំងផងដែរនៅក្នុងការប្រកួត កម្លាំងគោជល់។ ការហាត់ប្រាណបង្កើនភាពបត់បែន ការសម្រាក និងលំហាត់ប្រាណដើម្បីសម្របសម្រួលប្រព័ន្ធសរសៃប្រសាទនិងសាច់ដុំ ដូចដែលឃើញមាននៅក្នុងការប្រកួត Crashed Ice ការហ្វឹកហាត់សាច់ដុំស្នូល (core work) និងការហ្វឹកហាត់ការដឹងថារាងកាយរបស់អ្នកនៅទីណា (proprioception training) ជួយការពាររបួសជង្គង់ និងកជើង ទោះបីស្ថិតក្នុងលក្ខខណ្ឌដ៏ច្របូកច្របល់បំផុតក៏ដោយ។

ការត្រៀមលក្ខណៈផ្លូវចិត្តក៏សំខាន់មិនចាញ់គ្នាដែរ។ អត្តពលិក ត្រូវបានបង្វឹកលើបច្ចេកទេសបង្កើតរូបភាពក្នុងចិត្ត (visualization techniques) និងការគ្រប់គ្រងភាពតានតឹង។ «យើងស្រមៃឃើញគ្រប់ខ្សែបន្ទាត់ គ្រប់កន្លែងបត់ មុនពេលយើងប្រណាំង» នេះជាការលើកឡើងរបស់កីឡាករជិះស្គីជនជាតិកាណាដា Dean Moriarity នៅក្នុងអត្ថបទពិសេសមួយរបស់ Red Bull។ ការផ្ចង់អារម្មណ៍ខ្ពស់បែបនេះ អាចយកទៅអនុវត្តបានក្នុងការប្រកួតដ៏ស្វិតស្វាញណាក៏ដោយ រួមទាំងការប្រកួតប្រជែងផ្នែកកម្លាំងកាយនៅក្នុងកម្មវិធីកម្លាំងគោជល់ផងដែរ។

តើនរណា ដែលនឹងក្លាយជាម្ចាស់ប្រាក់រង្វាន់ 100 លានរៀលពីកម្មវិធីកម្លាំងគោជល់ នារដូវកាលទី១នេះ? រង់ចាំទស្សនានៅលើកញ្ចក់ទូរទស្សន៍ CTN ក្នុងពេលឆាប់ៗខាងមុខនេះ! កម្មវិធីនេះ ឧបត្ថម្ភផ្ដាច់មុខដោយ Red Bull ។

តាមដានព័ត៌មានថ្មីៗនៅលើបណ្ដាញសង្គមរបស់ កម្មវិធី កម្លាំងគោជល់ Red Bull Power រួមមាន៖

Facebook : https://www.facebook.com/share/1BXdVEpcnt/?mibextid=qi2Omg
TikTok : https://www.tiktok.com/music/original-sound-Redbullpowercambodia-7476716495855274753?is_from_webapp=1&sender_device=pc
YouTube: https://youtube.com/channel/UCP63GGDwWWWh4_DXM60qpXA?si=lQ0Qvcrz0XmwyBD8

អត្ថបទទាក់ទង

រឹងមាំដូចដែកថែប៖ អ្វីដែលបេក្ខជនកម្លាំងគោជល់អាចរៀនសូត្រពី Red Bull Crashed Ice

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស