អ្នកវាយកូនបាល់ Jiří Lehečka និង Brandon Nakashima ឆ្លងផុតជុំទី១ដូចគ្នាកម្មវិធី Stuttgart Open 2025

កីឡាចម្រុះ
June 10th, 2025 (10 months)
648 Views
Share

ការប្រកួតវាយកូនបាល់កម្រិត ATP Tour 250 កម្មវិធី Stuttgart Open 2025 បានចាប់ផ្តើមដំណើរការជាផ្លូវការហើយ ដោយការប្រកួតធ្វើឡើងនាទីក្រុង Stuttgart ប្រទេសអាល្លឺម៉ង់។

នៅក្នុងនោះដែរ កីឡាករឆេក Jiří Lehečka បានទទួលជ័យជំនះនៅក្នុងការប្រកួតជុំទី១ ដោយឈ្នះកីឡាករបារាំង Benjamin Bonzi តាមរយៈលទ្ធផលស្ទួនគ្នា 6-4 និង 6-4។

Jiří Lehečka នឹងបន្តឡើងទៅកាន់ជុំទី២ ជួបកីឡាករម្ចាស់ផ្ទះ Jan-Lennard Struff ដែលបានយកឈ្នះកីឡាករអ៊ីតាលី Matteo Arnaldi។

ចំណែកឯការប្រកួត១គូទៀតគឺកីឡាករអាមេរិក Brandon Nakashima បានយកឈ្នះទៅលើកីឡាករអង់គ្លេស Jacob Fearnley នៅក្នុងការប្រកួតជុំទី១ ដោយលទ្ធផល 4-6 7-6 និង 6-1។

Brandon Nakashima នឹងបន្តឡើងទៅកាន់ជុំទី២ រង់ចាំជួបអ្នកឈ្នះនៅក្នុងការប្រកួតជុំទី១ រវាងកីឡាករជប៉ុន Yoshihito Nishioka និង កីឡាករអង់គ្លេស Jacob Fearnley។

សូមបញ្ជាក់ថា កម្មវិធី Stuttgart Open 2025 គឺជាការដំណើរការលើកទី៤៦ ដោយនឹងចាប់ផ្តើមប្រកួតពីថ្ងៃទី ១០ ដល់ ១៦ ខែមិថុនា។ ប្រាក់រង្វាន់នៃកម្មវិធី មានប្រមាណ ៨៣ម៉ឺនដុល្លារ។ កីឡាករអង់គ្លេស Jack Draper គឺជាអ្នកការពារតំណែងជើងឯកក្នុងឆ្នាំនេះ ប៉ុន្តែបានជ្រើសរើសមិនចូលរួមក្នុងការប្រកួតនោះទេ៕

អត្ថបទទាក់ទង

អ្នកវាយកូនបាល់ Jiří Lehečka និង Brandon Nakashima ឆ្លងផុតជុំទី១ដូចគ្នាកម្មវិធី Stuttgart Open 2025

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស