អ្នកវាយសី Anders Antonsen យកបានតំណែងជើងឯកកម្មវិធី Indonesia Open 2025

កីឡាចម្រុះ
June 10th, 2025 (10 months)
708 Views
Share

ការប្រកួតវាយសី កម្មវិធី Indonesia Open 2025 បានបញ្ចប់ហើយ ដោយការប្រកួតដំណើរការនាទីក្រុង Jakarta ប្រទេសឥណ្ឌូនេស៊ី។

នៅក្នុងនោះគេក៏បានរកឃើញអ្នកឈ្នះជើងឯកផ្នែកបុរស គឺកីឡាករដាណឺម៉ាក Anders Antonsen ដោយបានយកឈ្នះកីឡាករតៃវ៉ាន់ Chou Tien-chen នៅក្នុងវគ្គផ្តាច់ព្រ័ត្រ តាមរយៈលទ្ធផល 22-20 និង 21-14។

នេះជាលើកដំបូងហើយ ដែលកីឡាករ Anders Antonsen ទទួលបានជ័យជំនះជើងឯកនៅក្នុងកម្មវិធី Indonesia Open នេះ។

សម្រាប់ការប្រកួតជាគូផ្នែកបុរស ជ័យជំនះជើងឯកបានទៅលើគូកីឡាករកូរ៉េខាងត្បូង Kim Won-ho និង Seo Seung-jae ដោយបានយកឈ្នះគូកីឡាករម្ចាស់ផ្ទះ Sabar Karyaman Gutama និង Muhammad Reza Pahlevi Isfahani នៅក្នុងវគ្គផ្តាច់ព្រ័ត្រ ដោយលទ្ធផល 18-21 21-19 និង 21-12។

ងាកមកកាន់ការប្រកួត ខាងផ្នែកនារីវិញ កីឡាការិនីកូរ៉េខាងត្បូង An Se-young ជាអ្នកទទួលបានជ័យជំនះតំណែងជើងឯក ដោយយកឈ្នះកីឡាការិនីចិន Wang Zhiyi នៅក្នុងការប្រកួតវគ្គផ្តាច់ព្រ័ត្រ ដោយលទ្ធផល 13-21 21-19 និង 21-15។

ការប្រកួតជាគូផ្នែកនារី ជ័យជំនះជើងឯកបានទៅលើគូកីឡាការិនីចិន Liu Shengshu និង Tan Ning ដោយបានយកឈ្នះគូកីឡាការិនីម៉ាឡេស៊ី Pearly Tan និង Thinaah Muralitharan នៅក្នុងវគ្គផ្តាច់ព្រ័ត្រ ដោយលទ្ធផល 23-25 21-12 និង 21-19។

សូមបញ្ជាក់ថា ការប្រកួតវាយសី កម្មវិធី Indonesia Open 2025 គឺជាការដំណើរការលើកទី ៤៣ នៅក្នុងប្រវត្តិសាស្ត្ររបស់ខ្លួន ដោយប្រាក់រង្វាន់នៃកម្មវិធីមានរហូតដល់ទៅ ១លាន ៤សែនដុល្លារឯណោះ៕

អត្ថបទទាក់ទង

អ្នកវាយសី Anders Antonsen យកបានតំណែងជើងឯកកម្មវិធី Indonesia Open 2025

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស