កីឡាករអាមេរិក Taylor Fritz ឈ្នះជើងឯកការប្រកួតវាយកូនបាល់កម្មវិធី Stuttgart Open 2025

កីឡាចម្រុះ
June 16th, 2025 (4 weeks)
318 Views
Share

ការប្រកួតវាយកូនបាល់ទីលានវាលស្មៅ កម្រិត ATP 250 កម្មវិធី Stuttgart Open 2025 បានបញ្ចប់រួចរាល់ហើយ ក្រោយពីដំណើរការរយៈពេល១សប្តាហ៍កន្លងមក នាទីក្រុង Stuttgart ប្រទេសអាល្លឺម៉ង់។

នៅក្នុងនោះគេក៏រកឃើញអ្នកឈ្នះជើងឯកនៃកម្មវិធីផងដែរ នោះគឺកីឡាករអាមេរិក Taylor Fritz ដោយបានយកឈ្នះកីឡាករម្ចាស់ផ្ទះ ដែលកំពុងឈរលេខ៣ពិភពលោក Alexander Zverev នៅក្នុងការប្រកួតវគ្គផ្តាច់ព្រ័ត្រ តាមរយៈលទ្ធផល 6-3 និង 7-6 ចាយពេលអស់ ១ម៉ោង ២៧នាទី។

នេះជាពានរង្វាន់ដំបូងដែល Taylor Fritz បានឈ្នះ នៅក្នុងការប្រកួតឆ្នាំ២០២៥នេះ និងជាពានរង្វាន់ធំទី៤ ក្នុងអាជីពរបស់គេផងដែរ។ ជ័យជំនះនេះក៏នឹងធ្វើអោយ Taylor Fritz ហក់ឡើងពីចំណាត់ថ្នាក់លេខ៧ពិភពលោក មកកាន់ចំណាត់ថ្នាក់លេខ៤ពិភពលោក ពេលដែលតារាងចំណាត់ថ្នាក់ធ្វើការផ្លាស់ប្តូរនៅថ្ងៃចន្ទនេះ។

សូមបញ្ជាក់ថា កម្មវិធី Stuttgart Open 2025 គឺជាការដំណើរការលើកទី៤៦ នៅក្នុងប្រវត្តិសាស្ត្ររបស់ខ្លួន ដោយប្រាក់រង្វាន់នៃកម្មវិធី មានប្រមាណ ៨៣ម៉ឺនដុល្លារ៕

អត្ថបទទាក់ទង

កីឡាករអាមេរិក Taylor Fritz ឈ្នះជើងឯកការប្រកួតវាយកូនបាល់កម្មវិធី Stuttgart Open 2025

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស