អ្នកវាយកូនបាល់ Daniil Medvedev និង Stefanos Tsitsipas ឆ្លងផុតជុំទី១ដូចគ្នាកម្មវិធី Halle Open 2025

កីឡាចម្រុះ
June 17th, 2025 (9 months)
316 Views
Share

ការប្រកួតវាយកូនបាល់ទីលានវាលស្មៅ កម្រិត ATP Tour 500 កម្មវិធី Halle Open 2025 បានចាប់ផ្តើមដំណើរការជាផ្លូវការហើយ ដោយការប្រកួតធ្វើឡើងនាទីក្រុង Halle ប្រទេសអាល្លឺម៉ង់។

នៅក្នុងការប្រកួតបើកឆាក ជុំទី១នោះដែរ កីឡាកររុស្ស៊ី Daniil Medvedev បានទទួលជ័យជំនះទៅលើ កីឡាករម្ចាស់ផ្ទះ Daniel Altmaier តាមរយៈលទ្ធផល 6-3 និង 6-3 ចាយពេលតែជាងមួយម៉ោងប៉ុណ្ណោះ។

Daniil Medvedev នឹងបន្តឡើងទៅកាន់ជុំទី២ ជួបកីឡាករបារាំង Quentin Halys ដែលបាន វាយទម្លាក់កីឡាករ Benjamin Bonzi ជនជាតិបារាំងដូចគ្នា។

ចំពោះកីឡាករក្រិច Stefanos Tsitsipas ក៏បានទទួលជ័យជំនះនៅក្នុងការប្រកួតជុំទី១ ដូចគ្នាដែរ គឺបានយកឈ្នះទៅលើកីឡាករអ៊ីតាលី Luciano Darderi ដោយលទ្ធផល 6-4 3-6 និង 7-6។

Stefanos Tsitsipas នឹងបន្តឡើងទៅកាន់ជុំទី២ រង់ចាំជួបអ្នកឈ្នះ នៅក្នុងការប្រកួតជុំទី១ រវាងកីឡាករអាហ្សង់ទីន Alex Michelsen និង កីឡាករអាហ្សង់ទីន Francisco Cerúndolo។

១គូទៀតគឺកីឡាករកាហ្សាក់ស្ថាន Alexander Bublik បានយកឈ្នះ កីឡាករបារាំង Alexandre Müller នៅក្នុងការប្រកួតជុំទី១ ដោយលទ្ធផល 6-4 និង 6-4។

Alexander Bublik នឹងបន្តឡើងទៅកាន់ជុំទី២ រង់ចាំជួបអ្នកឈ្នះ នៅក្នុងការប្រកួតជុំទី១ រវាងកីឡាករម្ចាស់ផ្ទះ Yannick Hanfmann និង កីឡាករដែលកំពុងឈរលេខ១ពិភពលោកមកពីអ៊ីតាលី និងជាម្ចាស់ការពារតំណែងជើងឯកនៃកម្មវិធីផងដែរនោះគឺកីឡាករ Jannik Sinner។

សូមបញ្ជាក់ថា កម្មវិធី Halle Open ២០២៥ គឺជាការដំណើរការលើកទី ៣២នៅក្នុងប្រវត្តិសាស្ត្រ ដោយធ្វើឡើងចាប់ពីថ្ងៃទី ១៦ ដល់ ២២ ខែមិថុនា។ សម្រាប់ប្រាក់រង្វាន់នៃកម្មវិធីមានប្រមាណ ២លាន ៩សែនដុល្លារអាមេរិក៕

អត្ថបទទាក់ទង

អ្នកវាយកូនបាល់ Daniil Medvedev និង Stefanos Tsitsipas ឆ្លងផុតជុំទី១ដូចគ្នាកម្មវិធី Halle Open 2025

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស