អាកាសធាតុនៅអាមេរិកបង្កើតអោយមានការព្រួយបារម្ភប៉ះពាល់ដល់សុខភាពកីឡាករ

បាល់ទាត់
June 19th, 2025 (9 months)
492 Views
Share

អាកាសធាតុក្តៅហើយសើមនៅអាមេរិក អំឡុងព្រឹត្តិការណ៍បាល់ទាត់ FIFA Club World Cup 2025 បានបង្កក្តីបារម្ភចំពោះបញ្ហាសុខភាព កីឡាករបាល់ទាត់ គ្រូបង្វឹក និងអ្នកគាំទ្រ។

ដោយសារបញ្ហាអាកាសធាតុនេះ មានការទាមទារអោយមានពេលសម្រាកខ្លីតាមវគ្គនីមួយៗ និងការរៀបចំកាលវិភាគប្រកួតមួយចំនួនឡើងវិញ។ តួយ៉ាង កាលពីជំនួបរវាង Paris Saint Germain យកឈ្នះ Atletico Madrid លទ្ធផល ៤-០ ធ្វើឡើងនៅពេលរសៀលក្រោមកម្តៅថ្ងៃសីតុណ្ហភាពប្រមាណ ៣២អង្សា។

ថ្មីៗនេះដែរ ដោយសារបញ្ហាអាកាសធាតុ បានធ្វើអោយការប្រកួតរវាង ក្រុមកូរ៉េខាងត្បូង Ulsan និង ក្រុមអាហ្រ្វិកខាងត្បូង Mamelodi Sundowns ត្រូវពន្យាពេលជិត១ម៉ោងថែមទៀត។ សម្រាប់ អ្នកគាំទ្រវិញ ភាគច្រើនបានរអ៊ូរទាំចំពោះអាកាសធាតុក្តៅ នៅកីឡដ្ឋានគ្មានដំបូល ។ បញ្ហាបានកើតឡើងរួច បង្កអោយមានក្តីបារម្ភចំពោះក្លិប កីឡាករ និងអ្នកគាំទ្រ ដែលមានកាលវិភាគប្រកួតផ្សេងៗនៅចំពេលរសៀល។
ករណីនេះឈានធ្វើអោយស្ថាប័នកីឡាករបាល់ទាត់អាជីពពិភពលោក FIFPRO ព្រមានអំពីផលប៉ះពាល់ដល់សុខភាពកីឡាករ។

កន្លងមក បញ្ហាអាកាសធាតុក្តៅនៅអាមេរិកនេះ បានបង្កអោយមានការរិះគន់ខ្លាំងពីសំណាក់មតិអ្នកជំនាញ និងគ្រូបង្វឹកក្រុមបាល់ទាត់មួយចំនួន ដែលអាចធ្វើអោយប៉ះពាល់ខ្លាំងដល់សុខភាពកីឡាករ បន្ទាប់ពី FIFA បានបង្កើនចំនួនការប្រកួតច្រើនទៅក្នុងពានរង្វាន់ FIFA Club World Cup 2025 កៀកនឹង FIFA World Cup 2026៕

អត្ថបទទាក់ទង

អាកាសធាតុនៅអាមេរិកបង្កើតអោយមានការព្រួយបារម្ភប៉ះពាល់ដល់សុខភាពកីឡាករ

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស