អ្នកវាយកូនបាល់ Félix Auger-Aliassime បន្តឡើងវគ្គ៨នាក់ចុងក្រោយកម្មវិធី Mallorca Open 2025

កីឡាចម្រុះ
June 25th, 2025 (10 months)
461 Views
Share

ការប្រកួតវាយកូនបាល់ទីលានវាលស្មៅ កម្រិត ATP 250 កម្មវិធី Mallorca Open 2025 បានបន្តដល់ជុំទី២ហើយ ដែលការប្រកួត ធ្វើឡើងនាទីក្រុង Santa Ponsa ប្រទេសអេស្ប៉ាញ។

នៅក្នុងនោះកីឡាករកាណាដា Félix Auger-Aliassime បានទទួលជ័យជំនះទៅលើកីឡាករបារាំង Arthur Rinderknech តាមរយៈលទ្ធផល 7-5 និង 6-3។

Félix Auger-Aliassime នឹងបន្តឡើងវគ្គ៨នាក់ចុងក្រោយជួបកីឡាករសែប Hamad Medjedovic ដែលបានយកឈ្នះកីឡាកររុស្ស៊ី Roman Safiullin ។

១គូទៀតគឺកីឡាករហូឡង់ Tallon Griekspoor បានយកឈ្នះកីឡាករអាមេរិក Ethan Quinn នៅក្នុងការប្រកួតជុំទី២ ដោយលទ្ធផល 7-5 និង 6-4 ដើម្បីឡើងមកកាន់វគ្គ៨នាក់ចុងក្រោយជួបកីឡាករកាណាដា Gabriel Diallo ដែលបានយកឈ្នះកីឡាករសែប Laslo Djere។

ចំណែកឯកីឡាករម្ចាស់ផ្ទះ Roberto Bautista Agut ទើបតែបន្តឡើងមកកាន់ការប្រកួតជុំទី២តែប៉ុណ្ណោះ បន្ទាប់ពីយកឈ្នះកីឡាករអាហ្សង់ទីន Tomás Martín Etcheverry នៅក្នុងការប្រកួតជុំទី១ ដោយលទ្ធផល 5-7 6-3 និង 6-2។

Roberto Bautista Agut នឹងបន្តមកជួបកីឡាករអូស្ត្រាលី Bernard Tomic ដែលបានទម្លាក់កីឡាករ Rinky Hijikata ជនជាតិអូស្ត្រាលីដូចគ្នា។

សូមបញ្ជាក់ថា កម្មវិធី Mallorca Open ឆ្នាំ២០២៥នេះ គឺជាការដំណើរការលើកទី៤ប៉ុណ្ណោះនៅក្នុងប្រវត្តិសាស្ត្ររបស់ខ្លួន។ ការប្រកួតនឹងធ្វើឡើងចាប់ពីថ្ងៃទី ២៣ ដល់ ២៩ ខែមិថុនា។ កីឡាករឈីលី Alejandro Tabilo គឺជាអ្នកការពារតំណែងជើងឯកការប្រកួតឆ្នាំនេះ ប៉ុន្តែរូបគេមិនជ្រើសរើសមកចូលរួមការប្រកួតនោះទេ៕

អត្ថបទទាក់ទង

អ្នកវាយកូនបាល់ Félix Auger-Aliassime បន្តឡើងវគ្គ៨នាក់ចុងក្រោយកម្មវិធី Mallorca Open 2025

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស