អ្នកការពារជើងឯក Carlos Alcaraz ឆ្លងផុតជុំទី១ ការប្រកួតវាយកូនបាល់កម្មវិធី Wimbledon 2025

កីឡាចម្រុះ
July 1st, 2025 (8 months)
333 Views
Share

ការប្រកួតវាយកូនបាល់ទីលានវាលស្មៅកម្រិត Grand Slam កម្មវិធី Wimbledon ឆ្នាំ២០២៥ បានចាប់ផ្តើមដំណើរការជាផ្លូវការហើយ ដែលការប្រកួតធ្វើឡើងទីក្រុងឡុងដ៍ ប្រទេសអង់គ្លេស។

នៅក្នុងនោះដែរ កីឡាករដែលកំពុងឈរលេខ២ពិភពលោក នឹងជាម្ចាស់ការពារតំណែងជើងឯកនៃកម្មវិធី គឺកីឡាករអេស្ប៉ាញ Carlos Alcaraz បានទទួលជ័យជំនះនៅក្នុងការប្រកួតជុំទី១នេះ ដោយបានយកឈ្នះទៅលើ កីឡាករអ៊ីតាលី Fabio Fognini តាមរយៈលទ្ធផល 7-5, 6-7, 7-5, 2-6 និង 6-1។

Carlos Alcaraz នឹងបន្តឡើងទៅកាន់ជុំទី២ ជួបកីឡាករម្ចាស់ផ្ទះ Oliver Tarvet ដែលបានទម្លាក់កីឡាករស្វីស Leandro Riedi។

ចំណែកឯកីឡាករម្ចាស់ផ្ទះ Arthur Fery បានយកឈ្នះកីឡាករអូស្ត្រាលី Alexei Popyrin នៅក្នុងការប្រកួតជុំទី១នេះដែរ ដោយលទ្ធផល 6-4 6-1 4-6 និង 6-4 ។

កីឡាករ Arthur Fery នឹងបន្តឡើងទៅកាន់ជុំទី២ ជួបកីឡាករអ៊ីតាលី Luciano Darderi ដែលបានទម្លាក់កីឡាកររុស្ស៊ី Roman Safiullin។

ងាកមកកាន់ការប្រកួតខាងផ្នែកនារីវិញ កីឡាការិនីអាមេរិក Madison Keys បានយកឈ្នះ កីឡាការិនីរ៉ូម៉ានី Elena-Gabriela Ruse នៅក្នុងការប្រកួតជុំទី១ ដោយលទ្ធផល 6-7 7-5 និង 7-5។

Madison Keys នឹងបន្តឡើងទៅកាន់ជុំទី២ ជួបកីឡាការិនីសែប Olga Danilović ដែលបានទម្លាក់ កីឡាការិនីចិន Zhang Shuai ។

សូមបញ្ជាក់ថា ការប្រកួតវាយកូនបាល់កម្មវិធី Wimbledon គឺជាការដំណើរការលើកទី ១៣៨ នៅក្នុងប្រវត្តិសាស្ត្រ ដោយធ្វើឡើងចាប់ពីថ្ងៃទី ៣០ ខែមិថុនា ដល់ ១៣ ខែកក្កដា ឆ្នាំ ២០២៥។ សម្រាប់ប្រាក់រង្វាន់នៃកម្មវិធីមានប្រមាណ ៧លាន ៣សែនដុល្លារឯណោះ៕

អត្ថបទទាក់ទង

អ្នកការពារជើងឯក Carlos Alcaraz ឆ្លងផុតជុំទី១ ការប្រកួតវាយកូនបាល់កម្មវិធី Wimbledon 2025

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស