កីឡាករលេខ៣ពិភពលោក Alexander Zverev ធ្លាក់ត្រឹមជុំទី១ ការប្រកួតវាយកូនបាល់ Wimbledon 2025

កីឡាចម្រុះ
July 2nd, 2025 (10 months)
472 Views
Share

កីឡាករដែលកំពុងឈរលេខ៣ពិភពលោក មកពីអាល្លឺម៉ង់ Alexander Zverev ធ្លាក់ត្រឹមជុំទី១ តែប៉ុណ្ណោះ នៅក្នុងការប្រកួតវាយកូនបាល់កម្មវិធី Wimbledon 2025 ដែលធ្វើឡើងនាទីក្រុងឡុងដ៍ ប្រទេសអង់គ្លេស។

ជាការពិត កីឡាករវ័យ ២៨ឆ្នាំ បានជួបប្រកួតនឹងចាញ់ កីឡាករបារាំង Arthur Rinderknech តាមរយៈលទ្ធផល 7-6, 6-7, 6-3, 6-7 និង 6-4។ នេះជាការបរាជ័យក្នុងការចាប់ផ្តើមប្រកួតត្រឹមជុំទី១ ជាលើកដំបូងរបស់ Alexander Zverev ចាប់តាំងពីឆ្នាំ២០១៩មក ។

សម្រាប់ កីឡាករ Arthur Rinderknech ដែលទទួលជ័យជំនះនឹងបន្តឡើងទៅកាន់ជុំទី២ជួប កីឡាករឈីលី Cristian Garín ដែលបានយកឈ្នះកីឡាករលុចហ្សំប៊ួរ Chris Rodesch។

ការប្រកួត១គូទៀតគឺកីឡាករអេស្ប៉ាញ Jaume Munar បានយកឈ្នះកីឡាករកាហ្សាក់ស្ថានAlexander Bublik នៅក្នុងជុំទី១ដោយលទ្ធផល 6-4, 3-6, 4-6, 7-6 និង 6-2។

Jaume Munar នឹងបន្តឡើងទៅកាន់ជុំទី២ ជួបកីឡាករហុងគ្រី Fábián Marozsán ដែលបានយកឈ្នះកីឡាករអូស្ត្រាលី James McCabe។

ងាកមកកាន់ការប្រកួតខាងផ្នែកនារីវិញ កីឡាការិនីប៉ូឡូញ Iga Świątek បានយកឈ្នះកីឡាការិនី រុស្ស៊ី Polina Kudermetova នៅក្នុងជុំទី១ ដោយលទ្ធផល 7-5 និង 6-1។

Iga Świątek នឹងបន្តឡើងទៅកាន់ជុំទី២ ជួបកីឡាការិនីអាមេរិក Caty McNally ដែលបានយកឈ្នះកីឡាការិនីអង់គ្លេស Jodie Burrage។
រីឯកីឡាការិនីរុស្ស៊ី Mirra Andreeva បានយកឈ្នះកីឡាការិនីអេហ្ស៊ីប Mayar Sherif នៅក្នុងជុំទី១ ដោយលទ្ធផល 6-3 និង 6-3។

Mirra Andreeva នឹងបន្តឡើងជុំទី២ ជួបកីឡាការិនីអ៊ីតាលី Lucia Bronzetti៕

អត្ថបទទាក់ទង

កីឡាករលេខ៣ពិភពលោក Alexander Zverev ធ្លាក់ត្រឹមជុំទី១ ការប្រកួតវាយកូនបាល់ Wimbledon 2025

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស