កីឡាករលេខ១ពិភពលោក Jannik Sinner ឆ្លងផុតជុំទី២ ការប្រកួតវាយកូនបាល់ កម្មវិធី Wimbledon 2025

កីឡាចម្រុះ
July 4th, 2025 (8 months)
380 Views
Share

កីឡាករដែលកំពុងឈរលេខ១ពិភពលោកមកពីអ៊ីតាលី Jannik Sinner បានទទួលជ័យជំនះនៅក្នុងការប្រកួតជុំទី២ នៃការប្រកួតវាយកូនបាល់កម្មវិធី Wimbledon 2025 ដែលធ្វើឡើងនាទីក្រុងឡុងដ៍ ប្រទេសអង់គ្លេស។

ជាក់ស្តែង កីឡាករវ័យ២៣ឆ្នាំ បានជួបប្រកួតនឹងយកឈ្នះកីឡាករអូស្ត្រាលី Aleksandar Vukic តាមរយៈលទ្ធផល 6-1 6-1 និង 6-3 ។

Jannik Sinner នឹងបន្តឡើងទៅកាន់ជុំទី៣ជួបជាមួយកីឡាករ អេស្ប៉ាញ Pedro Martínez ដែលបានយកឈ្នះកីឡាករអាហ្សង់ទីន Mariano Navone។

ចំណែកឯកីឡាករក្រូអាត Marin Čilić បានយកឈ្នះ ទៅលើកីឡាករម្ចាស់ផ្ទះ Jack Draper នៅក្នុងការប្រកួតជុំទី២ដោយលទ្ធផល 6-4 6-3 1-6 និង 6-4។

Marin Čilić នឹងបន្តឡើងទៅកាន់ជុំទី៣ជួបជាមួយកីឡាករអេស្ប៉ាញ Jaume Munar ដែលបានយកឈ្នះកីឡាករហុងគ្រី Fábián Marozsán។

ងាកមកកាន់ការប្រកួតខាងផ្នែកនារីវិញ កីឡាការិនី Jéssica Bouzas Maneiro ជនជាតិអេស្ប៉ាញ បានយកឈ្នះកីឡាការិនី Sofia Kenin ជនជាតិអាមេរិក នៅក្នុងការប្រកួតជុំទី២ ដោយលទ្ធផល 6-1 និង 7-6។

កីឡាការិនី Jéssica Bouzas Maneiro នឹងបន្តឡើងទៅកាន់ជុំទី៣ ជួបជាមួយកីឡាការិនីអ៊ុយក្រែន Dayana Yastremska ដែលបានទម្លាក់កីឡាការិនីរុស្ស៊ី Anastasia Zakharova៕

អត្ថបទទាក់ទង

កីឡាករលេខ១ពិភពលោក Jannik Sinner ឆ្លងផុតជុំទី២ ការប្រកួតវាយកូនបាល់ កម្មវិធី Wimbledon 2025

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស