កីឡាករវាយ Tennis, Alcaraz ឈ្នះពានរង្វាន់ US Open trophy ជាប់ជាកំពូលជើងឯងកីឡាវាយ Tennis លេខ១របស់ពិភពលោក

កីឡាចម្រុះ
September 8th, 2025 (7 months)
686 Views
Share

កីឡាករ Carlos Alcaraz បានឈ្នះជ័យលាភី the U.S. Open ជាលើកទី២ ដោយប្រកួតឈ្នះកីឡាករ Jannik Sinner ក្នុងពេលថ្មីៗនេះ ជ័យជម្នះនេះបានបង្ហាញអំពីការអភិវឌ្ឍខ្លួនរបស់កីឡាករដែលមកពីប្រទេសអេស្ប៉ាញរូបនេះ ពីការលេងបែបចិត្តចុងច្រមុះក្នុងភាពជាយុវវ័យ មកជាលេងបែបចាស់ទុំនឹងធឹង និងឈ្នះការប្រកួត Grand Slam ដល់ទី ៦ដង ។

បន្ទាប់ពីចាញ់កីឡាករ Sinner នៅវគ្គផ្តាច់ព្រ័ត្រនៃការប្រកួត the Wimbledon កាលពីខែកក្កដាកន្លងទៅ Alcaraz បានស្តារកិត្តិយសមកវិញក្នុងទម្រង់ដូចព្យុះសង្ឃរា យកឈ្នះកីឡាករសញ្ជាតិអ៊ីតាលីនេះវិញក្នុងលទ្ធផល 6-2 3-6 6-1 និង 6-4 នៅឯពហុកីឡាដ្ឋាន Arthur Ashe Stadium ដ៏អស្ចារ្យ ។

កីឡាករវ័យ២២ឆ្នាំ ដែលបានឈ្នះពានរង្វាន់ Grand Slam លើកដំបូងក្នុងការប្រកួតនៅទីលានឧទ្យានជាតិ Flushing Meadows ក្នុងឆ្នាំ២០២២ ហើយកីឡាកររូបនេះបានប្រែក្លាយខ្លួនមកជាកីឡាករវាយ Tennis លំដាប់កំពូលរបស់ពិភពលោកតាំងពីឆ្នាំ២០២៣មក ដែលតែងយកឈ្នះកីឡាករកំពូលៗ ។

កិត្តិស័ព្ទបានពីការប្រកួតនៅ Wimbledon ធ្វើឱ្យមានការរំជួលចិត្ត ដែលបានបង្ហាញនូវសមត្ថភាពគួរឱ្យស្ងប់ស្ងែងសម្រាប់កីឡាករ Alcaraz ។ គ្រូបង្វឹករបស់គាត់គឺលោក Juan Carlos Ferrero បាននិយាយកោតសរសើរថា កីឡាករ Alcaraz ពិតជាបានអភិវឌ្ឃខ្លួនយ៉ាងខ្លាំងចាប់តាំងពីឈ្នះការប្រកួតដ៏ធំលើកដំបូងក្នុងឆ្នាំ ២០២២ ។

ប្រភព៖ Reuters Connect

អត្ថបទទាក់ទង

កីឡាករវាយ Tennis, Alcaraz ឈ្នះពានរង្វាន់ US Open trophy ជាប់ជាកំពូលជើងឯងកីឡាវាយ Tennis លេខ១របស់ពិភពលោក

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស