លទ្ធផលចាញ់កូរ៉េខាងត្បូង ធ្វើឲ្យអនាគតរបស់ Pochettino នៅក្រុមជម្រើសជាតិអាមេរិកមានភាពស្រពេចស្រពិល

បាល់ទាត់
September 8th, 2025 (6 months)
436 Views
Share

លោក Mauricio Pochettino បានដឹកនាំក្រុមជម្រើសជាតិអាមេរិកចាញ់កូរ៉េខាងត្បូងក្នុងលទ្ធផល 2-0 ក្នុងការប្រកួតមិត្តភាពនៅឯកីឡដ្ឋាន Red Bull Arena ក្នុងរដ្ឋ New Jersey។

លទ្ធផលនេះ ធ្វើឲ្យមានភាពស្រពេចស្រពិលចំពោះកៅអីគ្រូបង្វឹករបស់ Pochettino ខណ:នៅមិនដល់មួយឆ្នាំទៀតទេ ព្រឹត្តិការណ៍ World Cup នឹងត្រូវលេងនៅលើទឹកដីសហអាមេរិកហើយ។

គ្រាប់បាល់ ២គ្រាប់ពី Son និង Dong-Gyeong Lee ក្នុងតង់ទីមួយ ល្មមគ្រប់គ្រាន់សម្រាប់កូរ៉េ យកឈ្នះលើសហរដ្ឋអាមេរិក ដែលការប្រកួតចុងក្រោយរបស់ពួកគេក៏បានចាញ់ម៉ិកស៊ិក នៅក្នុងវគ្គផ្តាច់ព្រ័ត្រពានរង្វាន់ Gold Cup និង ចាញ់ Panama ក្នុងវគ្គពាក់កណ្តាលផ្តាច់ព្រ័ត្រនៃពានរង្វាន់ CONCACAF Nations League ផងដែរ ។

បច្ចុប្បន្ន Pochettino កំពុងតែឈឺក្បាល ជាមួយនឹងលទ្ធផលចាញ់ជាប់ៗគ្នានេះ ព្រោះលោកត្រូវមានភារកិច្ចសំខាន់ គឺធ្វើយ៉ាងណាធានាឲ្យបាននូវទម្រង់ដ៏ល្អមួយនៅក្នុងព្រឹត្តិការណ៍ World Cup ខាងមុខនេះ ដែលអាមេរិកនឹងត្រូវធ្វើជាសហម្ចាស់ផ្ទះ រួមជាមួយនឹងម៉ិកស៊ិក និងកាណាដា។

ការចាញ់កូរ៉េខាងត្បូងគឺជាលទ្ធផល ដែលធ្វើឲ្យហ្វេនខកចិត្តជាខ្លាំង។ យ៉ាងណាមិញ សហរដ្ឋអាមេរិកនៅមានការប្រកួតមិត្តភាពមួយទៀតទល់នឹងជប៉ុននៅថ្ងៃពុធនេះ ដែល ជាឱកាសដើម្បីកែប្រែទម្រង់ក្រុមឡើងវិញឲ្យបានល្អ៕

អត្ថបទទាក់ទង

លទ្ធផលចាញ់កូរ៉េខាងត្បូង ធ្វើឲ្យអនាគតរបស់ Pochettino នៅក្រុមជម្រើសជាតិអាមេរិកមានភាពស្រពេចស្រពិល

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស