Lamine Yamal ថ្លើមធំមានមហិច្ឆតាចង់ឈ្នះ Ballon d’Or ច្រើនដងក្នុងអាជីព

បាល់ទាត់
September 11th, 2025 (2 days)
148 Views
Share

Lamine Yamal គឺជាតួអង្គដ៏សំខាន់ ដែលនាំមកនូវភាពជោគជ័យដល់ក្លិប និងក្រុមជម្រើសជាតិអេស្ប៉ាញក្នុងវ័យទើបតែ 18 ឆ្នាំ។ ខ្សែប្រយុទ្ធស្លាបស្តាំកំពុងឡើងជើងរបស់ FC Barcelona រូបនេះ បាននិយាយបែបច្បាស់ៗថា គេមានបំណងចង់ឈ្នះរង្វាន់ Ballon d’Or ច្រើនដង នៅក្នុងអាជីពបាល់ទាត់របស់គេ។

ទម្រង់លេងដ៏ល្អរបស់ Yamal សម្រាប់ក្រុមជម្រើសជាតិអេស្ប៉ាញ ក្នុងការប្រកួតអន្តរជាតិថ្មីៗនេះ បានធ្វើឲ្យគ្រូបង្វឹក លោក Luis de la Fuente សរសើរពីភាពចាស់ទុំ ការលេងប្រកបដោយទំនុកចិត្ត និងសមត្ថភាពលេងក្រោមសម្ពាធយ៉ាងមានប្រសិទ្ធិភាពរបស់គេ។

ទោះបីជានៅវ័យក្មេងក៏ដោយ គេបានបង្ហាញនូវទម្រង់លេងរឹងមាំ និងច្បាស់លាស់នៅក្នុងការប្រកួតទល់នឹងក្រុមធំៗនៅអឺរ៉ុប ដែលនំាឲ្យមានការប្រៀបធៀបរូបគេ ជាមួយឡេជិនឆ្នើមៗកន្លងមក ដែលធ្លាប់ទទួលបានជោគជ័យយ៉ាងអស្ចារ្យតាំងពីវ័យក្មេង។

បន្ទាប់ពីជ័យជំនះថ្មីៗនេះរបស់អេស្ប៉ាញ Yamal បាននិយាយថា គេដឹងច្បាស់ថា ផ្លូវនេះ មិនមែនងាយស្រួលទេ ប៉ុន្តែអ្វីដែលជាកម្លាំងចិត្តជំរុញគាត់គឺ ក្តីស្រមៃ និងការខិតខំប្រឹងប្រែងជារៀងរាល់ថ្ងៃ។

ជាមួយនឹងទំនុកចិត្តរបស់ Barcelona លើរូបគេ និងការជឿជាក់ថា គេគឺខ្សែប្រយុទ្ធដ៏សំខាន់សម្រាប់ក្រុមអ្នកមានបុណ្យក្នុងយុគសម័យថ្មី និងជាស្នូលសំខាន់សម្រាប់អេស្ប៉ាញ ក្នុងព្រឹត្តិការណ៍អន្តរជាតិធំៗក្រោយៗទៀត ធ្វើឲ្យគ្រប់គ្នាជឿជាក់ថា Yamal នឹងអាចក្លាយជាតារាបាល់ទាត់ដ៏អស្ចារ្យម្នាក់ក្នុងប្រវត្តិសាស្ត្រ៕

ប្រភព៖ FC Barcelona News
https://www.barcablaugranes.com/barcelona-news/100674/fc-barcelona-news-10-september-2025-internationals-return-training-valencia-estadi-johan-cruyff?utm_source=chatgpt.com

អត្ថបទទាក់ទង

Lamine Yamal ថ្លើមធំមានមហិច្ឆតាចង់ឈ្នះ Ballon d’Or ច្រើនដងក្នុងអាជីព

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស