កីឡាករ Di Maria ស៊ុតបាល់ពីជ្រុង បញ្ចូលទីដ៏អស្ចារ្យ ប៉ុន្តែលទ្ធផលបានត្រឹម១ស្មើជាមួយក្រុម Boca Juniors

បាល់ទាត់
September 15th, 2025 (4 weeks)
605 Views
Share

ក្រុមបាល់ទាត់ Boca Juniors លេងបាន១ពិន្ទុស្មើជាមួយក្រុម Rosario Central ក្នុងការប្រកួត Argentine Primera Division Clausura tournament កាលពីថ្ងៃអាទិត្យម្សិលមិញ ដោយនៅតង់ទីមួយ ក្រុមទាំងពីរបានធ្វើឱ្យទស្សនិកជនសប្បាយចិត្តដោយការស៊ុតបំប៉ោងសំណាញ់គ្នាទៅវិញទៅមក នៅពហុកីឡាដ្ឋាន Estadio Gigante de Arroyito អាហ្សង់ទីន ។

ក្រុម Boca Juniors រកបានមួយគ្រាប់មុន នៅពេលការប្រកួតទើបចាប់ផ្តើមបាន ២០នាទី ដោយកីឡាករ Rodrigo Battaglia បោះពួយចេញពីតំបន់ការពារនៅកណ្តាលតារាង ញាក់ដាច់អ្នកចាំទី Jorge Broun របស់ក្រុម Rosario រួចស៊ុតបញ្ចូលទី ធ្វើឱ្យក្រុមភ្ញៀវនាំមុខមុន ។

ប៉ុន្តែភ្លាមៗ ក្រុមម្ចាស់ផ្ទះ Rosario Central វាយសម្រុកវិញយ៉ាងលឿន រកបាន១គ្រាប់វិញត្រឹមតែ៤នាទីបន្ទាប់ប៉ុណ្ណោះ ដោយកីឡាករ Angel Di Maria ស៊ុតជើងឆ្វេង ពីជ្រុងដ៏តានតឹងនៅស្លាបស្តាំ។

ក្រុមទាំងពីរធ្វើមិនបានសម្រេចឡើយនៅតង់ទី២ ប៉ុន្តែពួកគេបានសម្រុកដាក់គ្នាទៅវិញទៅមក ធ្វើឱ្យទស្សនិកជនដកកចំហរមាត់ ស្ទើតែអត់ដង្ហើមតាមសង្វាក់វាយលុករបស់ពួកគេ ។

លទ្ធផលស្មើនេះ នាំឱ្យក្រុម Boca Juniors ឡើងមកចំណាត់លេខ៣នៅពូលA ដោយមាន ១២ពិន្ទុ ខណៈក្រុម Rosario Central នៅចំណាត់ថ្នាក់ទី៦ ក្នុងពូលB ដែលមាន ១១ពិន្ទុ ។

ប្រភព៖
https://www.reutersconnect.com/discover/sports?id=tag%3Areuters.com%2C2025%3Anewsml_RW480814092025RP1%3A3

អត្ថបទទាក់ទង

កីឡាករ Di Maria ស៊ុតបាល់ពីជ្រុង បញ្ចូលទីដ៏អស្ចារ្យ ប៉ុន្តែលទ្ធផលបានត្រឹម១ស្មើជាមួយក្រុម Boca Juniors

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស