Fabrizio បង្ហើបថា Xavi កំពុងតែសិក្សាពី Premier League ហើយក៏មានបុរសម្នាក់នេះដែលមានខ្សែរយៈច្រើននៅ INOES ជាបេក្ខភាពមកកាន់តំណែងនៅ Old Trafford ផងដែរ ប្រសិនបើក្លិបដកដំណែងលោក Amorim

Premier League
September 30th, 2025 (3 days)
208 Views
Share

អ្នកជំនាញខាងទីផ្សារដោះដូរកីឡាករដ៏ល្បីគឺលោក Fabrizio Romano បានបង្ហើបនៅរាត្រីយប់ថ្ងៃអាទិត្យម្សិលមិញថាដំណឹង និងដំណែងបច្ចុប្បន្នរបស់លោកអ្នចកាត់ការលោក Ruben Amorim គឺមិនមានសម្ពាធខ្លាំងនោះទេបើទោះបីជាបើកឆាក ៦ ប្រកួតដំបូងចាញ់ដល់ទៅ ៣ លើកក៏ដោយក្ដី ។

ទោះជាទុកឱកាស និងផ្ដល់ទំនុកចិត្តពិតមែនតែ Fabrizio បន្តថាលោក Ratcliffe ចង់ឃើញការរីកចម្រើនរបស់ក្រុមជាបន្តបន្ទាប់ ហើយស្ថានភាពបច្ចុប្បន្នគឺត្រូវតែប្រសើរឡើង ប្រសិនបើលោក Amorim ចង់បន្តកាន់តំណែងនៅ Old Trafford ហើយជាថ្មីម្ដងទៀតគឺថ្នាក់លើរបស់ក្លិបមិនបាននឹករក ឬទាក់ទងអ្នកចាត់ការណាម្នាក់មកជំនួសលោក Amorim ឡើយ តែប្រសិនបើផែនការត្រូវបានផ្លាស់ប្ដូរភ្លាមៗ នោះលោក Gareth Southgate នឹងនៅតែជាបេក្ខភាពចូលកាន់តំណែងមួយនេះដូចមុនដដែលព្រោះតែគាត់មានទំនងទំនងយ៉ាងល្អ និងមានមិត្តច្រើនក្នុងជួរប្រឹក្សាភិបាលនៅ INOES របស់លោក Ratcliffe តែក៏យើងមិនអាចយកជាការបាននោះទេថាទំនាក់ទំនងរបស់គាត់នឹងអាចជួយគាត់ ជាបេក្ខភាពនាំមុខគេក្នុងការក្លាយជាអ្នកចាត់ការថ្មី ព្រោះក្លិបនឹងសម្លឹងឃើញអ្នកចាត់ការផ្សេងៗដ៏ទៃទៀតនៅតែជាបេក្ខភាពចូលកាន់តំណែង ប្រសិនបើមានការផ្លាស់ប្ដូរពិតមែន ។

បច្ចុប្បន្ន Xavi Hernandez ក៏កំពុងសិក្សា Premier League និងអំពីអង់គ្លេសផងដែរ ហើយក៏នឹងអាចយល់ព្រមចូលដឹកនាំបិសាចក្រហមភ្លាមៗតែម្ដង ប្រសិនបើចរចាគ្នាត្រូវ បើទោះបីបិសាចក្រហមគ្មានកៅអីលេងនៅអ៉ឺរ៉ុបរដូវកាលក្រោយក៏ដោយ តែគ្រប់យ៉ាងគ្រាន់តែជាផែនការ B ព្រោះបច្ចុប្បន្នរវាងបិសាច និងលោក Amorim គឺមិនទាន់ឈានដល់ចំណុចត្រូវព្រួយបារម្ភណ៍ខ្លាំងនោះទេ ៕

អត្ថបទទាក់ទង