Paris Saint-Germain ត្រៀមច្រានចោលសំណើទិញ João Neves ពី Manchester City

បាល់ទាត់
October 2nd, 2025 (13 hours)
104 Views
Share

Paris Saint-Germain ត្រៀមច្រានចោលសំណើពី Manchester City ដែលចង់បានកីឡាករជនជាតិព័រទុយហ្គាល់ João Neves ។ Neves គឺជាកីឡាករវ័យក្មេង កំពុងលេចធ្លោរខ្លាំងនៅអឺរ៉ុប ចាប់តាំងពីផ្ទេរពី Benfica ទៅក្រុមអ្នកមានបារាំង PSG។

កីឡាករវ័យ 20ឆ្នាំរូបនេះ បានបង្ហាញសមត្ថភាពខ្ពស់ក្នុងការគ្រប់គ្រងបាល់ ការបញ្ជូនបាល់ និងការយល់ដឹងអំពីយុទ្ធសាស្ត្រ ដែលត្រូវបានគេប្រៀបធៀបទៅនឹងខ្សែបម្រើឆ្នើមមួយចំនួននៅក្នុងពិភពលោក។

បច្ចុប្បន្ន Manchester City កំពុងស្វែងរកកីឡាករ ដើម្បីយកទៅជួយនៅក្នុងតំបន់បម្រើ ដោយសង្ឃឹមថា នឹងអាចបញ្ចុះបញ្ចូល PSG លក់ Neves ឱ្យពួកគេ។ ប៉ុន្តែ PSG ក៏មើលឃើញថា កីឡាករវ័យក្មេងរូបនេះ ជាតួអង្គសំខាន់ក្នុងគម្រោងរយៈពេលវែងរបស់ខ្លួន និងមិនមានបំណងលក់នោះទេ។

PSG ចង់រក្សាកីឡាករវ័យក្មេងមានទេពកោសល្យឱ្យនៅជាមួយពួកគេ និងរៀបចំក្រុមមួយដែលមានការប្រកួតប្រជែងខ្ពស់។ កន្លងមក PSG តែងតែត្រូវបានរិះគន់ដោយអ្នកគាំទ្រថា មិនអាចរក្សាទម្រង់លេងក្រុមឱ្យស្ថិរភាពរយៈពេលវែង ដោយសារតែតែងតែរបូតកីឡាករវ័យក្មេង ឆ្នើមៗទៅកាន់ក្រុមគូបដិបក្ខដទៃ។ Neves ត្រូវបានក្រុមអ្នកមានបារាំងចាត់ទុកថា គឺជាកីឡាករសំខាន់នៅរាជកាលថ្មី ក្នុងចក្ខុវិស័យថ្មីក្រោមការដឹកនាំរបស់ Luis Enrique។

ដូច្នេះ Manchester City ប្រហែលជាត្រូវប្តូរទិសដៅទៅរកគោលដៅថ្មីណាមួយវិញ។ យ៉ាងណាមិញ លោក Pep Guardiola គឺជាអ្នកគាំទ្រខ្លាំងចំពោះ Neves ប៉ុន្តែការបដិសេធមិនលក់រូបគេរបស់ PSG បង្ហាញថា ក្រុមធំៗនៅអឺរ៉ុបកំពុងបង្កើនការប្រកួតប្រជែងខ្លាំងក្នុងការរក្សាកីឡាករដែលមានទេពកោសល្យ “សម្រាប់អនាគតរយ: ពេលវែង”៕

អត្ថបទទាក់ទង

Paris Saint-Germain ត្រៀមច្រានចោលសំណើទិញ João Neves ពី Manchester City

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស