ប្រធាន FIFA លោក Gianni Infantino៖ បាល់ទាត់មិនអាចដោះស្រាយជម្លោះបានទេ ប៉ុន្តែជាអ្នកនាំសារសន្តិភាព ចំពេលមានភាពតានតឹងជុំវិញតំបន់ហ្គាហ្សា

បាល់ទាត់
October 3rd, 2025 (4 days)
116 Views
Share

ប្រធាន FIFA លោក Gianni Infantino បាននិយាយនៅថ្ងៃព្រហស្បតិ៍ថា បាល់ទាត់មិនអាចដោះស្រាយជម្លោះបានទេ ប៉ុន្តែបាល់ទាត់ជាអ្នកនាំសារនៃសន្តិភាព និងការឯកភាពពិភពលោក។

“នៅ FIFA យើងមានកាតព្វកិច្ចប្រើប្រាស់កម្លាំងរបស់បាល់ទាត់ ដើម្បីនាំមនុស្ស ដែលនៅក្នុងតំបន់ផ្សេងគ្នាក្នុងពិភពលោកមករួមគ្នា” លោក Infantino បាននិយាយបែបនេះ នៅក្នុងកិច្ចប្រជុំក្រុមប្រឹក្សា FIFA នៅទីក្រុងហ្ស៊ឺរីក។

លោកបានបន្តថា អង្គភាពបាល់ទាត់ពិភពលោកមិនអាចដោះស្រាយវិបត្តិភូមិសាស្ត្រនយោបាយបានទេ ប៉ុន្តែ អង្គភាព “អាចលើកកម្ពស់បាល់ទាត់ទូទាំពិភពលោក ដោយប្រើប្រាស់តម្លៃ នៃការឯកភាព ការអប់រំ វប្បធម៌ និងមនុស្សធម៌។

ការថ្លៃបែបនេះរបស់លោក Infantino បន្ទាប់ពីមួយរយ:មកនេះ FIFA ត្រូវបានអំពាវនាវឱ្យធ្វើសកម្មភាពអ្វីមួយពាកព័ន្ធនឹងបញ្ហាសង្គ្រាមនៅកាសា ខណៈដែលមន្ត្រីប៉ាលេស្ទីនបានទាមទារឱ្យផ្អាកអ៊ីស្រាអែលពីបាល់ទាត់អន្តរជាតិ។

បញ្ហានេះ ត្រូវបាន FIFA យកទៅពិនិត្យមើល អស់រយៈពេលពីរបីខែហើយ ប៉ុន្តែមិនទាន់មានសេចក្តីសម្រេចនៅឡើយទេ។ លោក Infantino បាននិយាយជាបន្តបន្ទាប់ថា បញ្ហាទាំងនេះត្រូវការការយល់ព្រមជាមួយសហព័ន្ធតំបន់ និងត្រូវដោះស្រាយដោយប្រុងប្រយ័ត្ន។

ការថ្លែងបែបនេះ ធ្វើឡើង មួយថ្ងៃ បន្ទាប់ពីអនុប្រធាន FIFA លោក Victor Montagliani បាននិយាយថា ការសម្រេចចិត្តអំពីការចូលរួមរបស់អ៊ីស្រាអែលក្នុងការប្រកួតអឺរ៉ុប រួមទាំងជម្រុះ World Cup គឺជាការទទួលខុសត្រូវរបស់ UEFA ដោយផ្ទាល់។

សូមបញ្ជាក់ថា បច្ចុប្បន្ន អ៊ីស្រាអែលកំពុងឈរក្នុងចំណាត់ថ្នាក់ទី 3 នៃក្រុមជម្រុះ World Cup នៅអឺរ៉ុប ខណ:អង្គការលើកលែងទោសអន្តរជាតិ ក៏បានផ្ញើលិខិតទៅកាន់ FIFA និង UEFA ដើម្បីទាមទារឱ្យផ្អាកសហព័ន្ធបាល់ទាត់អ៊ីស្រាអែលផងដែរ៕

ប្រភព៖https://www.reuters.com/sports/soccer/football-cannot-solve-conflict-carries-message-peace-says-fifas-infantino-2025-10-02/?utm_source=chatgpt.com

អត្ថបទទាក់ទង

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស