Rodri នឹងអវត្តមានក្នុងការប្រកួតជម្រុះ World Cup ជាមួយអេស្ប៉ាញ ដោយសារបញ្ហារបួស

Premier League, បាល់ទាត់
October 7th, 2025 (3 days)
116 Views
Share

សហព័ន្ធបាល់ទាត់អេស្ប៉ាញ (RFEF) បានឱ្យដឹងកាលពីថ្ងៃចន្ទថា ខ្សែបម្រើ Rodri នឹងខកខានការប្រកួតជម្រុះ World Cup ទល់នឹងហ្សកហ្ស៊ី និងប៊ុលហ្គារី ដោយសារបញ្ហារបួស។

ខ្សែបម្រើ Manchester City ដែលទើបតែវិលត្រលប់ចូលទីលានវិញ កាលពីខែឧសភា បន្ទាប់ពីសម្រាកព្យាបាលរយៈពេល 8 ខែដោយសាររបួសជង្គង់ធ្ងន់ធ្ងរនោះ ត្រូវបានបង្ខំចិត្តដូរចេញនៅតង់ទី១ ក្នុងជ័យជម្នះ 1-0 លើ Brentford កាលពីថ្ងៃអាទិត្យ។

សហព័ន្ធបាល់ទាត់អេស្ប៉ាញ (RFEF) បាននិយាយនៅក្នុងសេចក្តីថ្លែងការណ៍ថា “ការសម្រេចចិត្តដក Rodri ចេញពីបញ្ជីក្រុមជម្រើសជាតិអេស្ប៉ាញ ធ្វើឡើងតាមរយ:របាយការណ៍វេជ្ជសាស្ត្រដែលផ្តល់ដោយក្លឹប ដល់បុគ្គលិកពេទ្យសហព័ន្ធបាល់ទាត់អេស្ប៉ាញ (RFEF)” ។

អ្នកចាត់ការទូទៅរបស់ Man City លោក Pep Guardiola ទម្លាយឱ្យដឹងកាលពីសប្តាហ៍មុនថា Rodri ដែលបានឈ្នះ Ballon d’Or កាលពីឆ្នាំមុន មិនអាចលេង 3ប្រកួតក្នុងមួយសប្តាហ៍នោះទេ ដោយសារបញ្ហាជង្គង់របស់គាត់ ដែលត្រូវការយ៉ាងហោចណាស់មួយឆ្នាំ ដើម្បីជាសះស្បើយពេញលេញ។

សូមបញ្ជាក់ថា អេស្ប៉ាញដែលបានឈ្នះការប្រកួតជម្រុះពូល E របស់ពួកគេទាំងពីរកាលពីខែមុន នឹងត្រូវធ្វើជាម្ចាស់ផ្ទះទទួលក្រុមជម្រើសជាតិហ្សកហ្ស៊ីនៅថ្ងៃសៅរ៍ និងប៊ុលហ្គារីនៅថ្ងៃទី14 ខែតុលានេះ៕
ប្រភព៖ Reuters
Link: https://www.reuters.com/sports/soccer/rodri-miss-spain-world-cup-qualifiers-due-injury-2025-10-06/?utm_source=chatgpt.com

អត្ថបទទាក់ទង

Rodri នឹង​អវត្តមាន​ក្នុង​ការ​ប្រកួត​ជម្រុះ World Cup ជាមួយអេស្ប៉ាញ​ ដោយសារ​បញ្ហា​របួស

Rodri នឹងអវត្តមានក្នុងការប្រកួតជម្រុះ World Cup ជាមួយអេស្ប៉ាញ ដោយសារបញ្ហារបួស