Chelsea ជូនដំណឹងដល់ Real Madrid ថា ត្រូវហ៊ានចាយធំ ប្រសិនបើចង់បានខ្សែបម្រើ Enzo Fernández

Premier League
October 13th, 2025 (2 days)
79 Views
Share

Real Madrid ត្រូវចំណាយយ៉ាងហោចណាស់ ១២០លានផោន ប្រសិនបើពួកគេចង់ចុះហត្ថលេខា Enzo Fernández របស់ Chelsea។ កីឡាករអន្តរជាតិអាហ្សង់ទីន ដែលចូលរួម ជាមួយតោខៀវពី Benfica នៅដើមឆ្នាំ2023 ក្នុងតម្លៃកំណត់ត្រារបស់អង់គ្លេសប្រមាណ 106.8 លានផោន គឺជាកីឡាករសំណព្វចិត្តរបស់ក្លឹប។

Chelsea បានឱ្យដឹងថា ពួកគេមិនមានចេតនាលក់ខ្សែបម្រើរូបនេះទេ លុះត្រាតែទទួលបានសំណើមួយដែលត្រូវនឹងតម្លៃដែលពួកគេបានដាក់។ Enzo គឺជាតួអង្គសំខាន់នៅក្នុងតំបន់ខ្សែបម្រើរបស់ Chelsea ដែលមានសមត្ថភាពខ្ពស់ចំពោះការបញ្ជូនបាល់ ការលេងដោយចិត្តស្ងប់ និងសមត្ថភាពក្នុងការគ្រប់គ្រងចង្វាក់នៃការប្រកួត។

Real Madrid មើលឃើញ Enzo ជាផ្នែកមួយនៃការកសាងតំបន់បម្រើរយៈពេលវែងរបស់ពួកគេ។ ទោះជាយ៉ាងណាក៏ដោយ ជំហររឹងមាំរបស់ Chelsea និងកុងត្រារយៈពេលវែងរបស់ Enzo ដែលនៅមានសុពលភាព រហូតដល់ឆ្នាំ 2032 អាចនឹងធ្វើឱ្យលទ្ធភាពនៃការនាំយកខ្សែបម្រើរូបនេះ ទៅកាន់កីឡដ្ឋាន Santiago Bernabéu មានការលំបាកខ្លាំង។

សម្រាប់ពេលនេះ Madrid ប្រហែលជាត្រូវពិចារណាឡើងវិញនូវជម្រើសផ្សេង ឬត្រូវចិត្តធំហ៊ានចំណាយតម្លៃបំបែកកំណត់ត្រា ប្រសិនបើពួកគេចង់នាំយកខ្សែបម្រើដែលធ្លាប់ឈ្នះពានរង្វាន់ World Cup រូបនេះ ទៅកាន់អេស្ប៉ាញ៕

អត្ថបទទាក់ទង

Chelsea ជូនដំណឹងដល់ Real Madrid ថា ត្រូវហ៊ានចាយធំ ប្រសិនបើចង់បាន​ខ្សែ​បម្រើ Enzo Fernández

Chelsea ជូនដំណឹងដល់ Real Madrid ថា ត្រូវហ៊ានចាយធំ ប្រសិនបើចង់បានខ្សែបម្រើ Enzo Fernández