លោក Jürgen Klopp អតីតគ្រូបង្វឹក Liverpool ចូលរួម ជាមួយក្រុមជំនាញបាល់ទាត់អាល្លឺម៉ង់

Premier League
October 20th, 2025 (5 months)
388 Views
Share

អតីតគ្រូបង្វឹកក្លឹបហង្សក្រហម លោក Jürgen Klopp បានទទួលតួនាទីថ្មីមួយនៅក្នុងបាល់ទាត់អាល្លឺម៉ង់ ដោយចូលរួម ជាមួយ ក្រុមជំនាញបាល់ទាត់ (Expert Football Group) ដែលបង្កើតឡើងដោយ សហព័ន្ធបាល់ទាត់អាល្លឺម៉ង់ (DFL) ដែលជាអ្នកគ្រប់គ្រងលីគបាល់ទាត់អាជីពរបស់ប្រទេសអាល្លឺម៉ង់។

ក្រុមជំនាញបាល់ទាត់ “Expert Football Group” ដែលទើបតែបង្កើតថ្មីនេះ មានភារកិច្ចផ្តល់យោបល់អំពីចំណុចសំខាន់ៗដូចជា ការអភិវឌ្ឍយុវជន ការបណ្តុះបណ្តាលគ្រូបង្វឹក រចនាសម្ព័ន្ធក្លឹប និងការរក្សាសមតុល្យប្រកួតប្រជែងនៅក្នុងបណ្តាលីគអាឡឺម៉ង់ គ្រប់កម្រិត ជាពិសេសលីគកំពូល Bundesliga និង លីគលំដាប់ទី២ Bundesliga 2 ។

លោក Klopp ដែលបានចាកចេញពី Liverpool ក្នុងឆ្នាំ 2024 បន្ទាប់ពីបម្រើការបាន ៩រដូវកាល នឹងធ្វើការ ជាមួយអ្នកជំនាញបាល់ទាត់ល្បីៗជាច្រើន រួមមាន លោក Rudi Völler លោកOliver Kahn និង លោក Matthias Sammer។ តួនាទីសំខាន់របស់លោកគឺ ស្តារឡើងវិញនូវវប្បធម៌ក្លឹបអាឡឺម៉ង់ និងតម្រង់ផ្លូវអភិវឌ្ឍកីឡាករវ័យក្មេង ដែលជាបញ្ហា លោកមើលឃើញ និងឆន្ទ:អភិវឌ្ឍយូរមកហើយ។

នៅក្នុងសេចក្តីថ្លែងការណ៍ដំបូងបន្ទាប់ពីការតែងតាំង លោក Klopp បាននិយាយថា៖

“បាល់ទាត់អាល្លឺម៉ង់មានប្រវត្តិសាស្ត្ររុងរឿង ប៉ុន្តែយើងត្រូវបន្តអភិវឌ្ឍបន្ត ដើម្បីរក្សាការប្រកួតប្រជែងនៅលើឆាកពិភពលោក។ ខ្ញុំរីករាយដែលអាចជួយពីមុំផ្សេងមួយ — មិនមែនជាគ្រូបង្វឹកទៀតទេ ប៉ុន្តែជាមនុស្សម្នាក់ដែលស្រលាញ់បាល់ទាត់ និងចង់ឃើញវារីកចម្រើន។”

DFL បានពិពណ៌នាថា ការចូលរួមរបស់ Klopp ជាដំណាក់កាលសំខាន់មួយក្នុងការរួមបញ្ចូលបទពិសោធន៍ និងការច្នៃប្រឌិតនៅក្នុងបាល់ទាត់អាល្លឺម៉ង់។ ការចូលរួមរបស់លោករំពឹងថា នឹងមានឥទ្ធិពលយ៉ាងខ្លាំងលើ ការកែប្រែយុទ្ធសាស្ត្ររយៈពេលវែង ជាពិសេសលើវិធីដែលសាលាបាល់ទាត់បណ្ដុះយុវជនឱ្យត្រៀមខ្លួនចូលប្រកួតប្រជែងក្នុងកម្រិតខ្ពស់៕

អត្ថបទទាក់ទង

លោក​ Jürgen Klopp អតីតគ្រូបង្វឹក Liverpool ចូលរួម ជាមួយក្រុមជំនាញបាល់ទាត់អាល្លឺម៉ង់

លោក Jürgen Klopp អតីតគ្រូបង្វឹក Liverpool ចូលរួម ជាមួយក្រុមជំនាញបាល់ទាត់អាល្លឺម៉ង់