កីឡាករនិងអ្នកគាំទ្រក្រុមបាល់ទាត់ Flamengo ចុះផ្លូវស្វាគមន៍វីរបុរសរបស់ពួកគេពេញទីក្រុង Rio ក្រោយឈ្នះពាន Copa Libertadores

បាល់ទាត់
December 1st, 2025 (1 day)
133 Views
Share

អ្នកគាំទ្រក្រុមបាល់ទាត់ Flamengo រាប់ពាន់នាក់បាននាំគ្នាចុះផ្លូវនៅក្នុងទីក្រុង Rio de Janeiro កាលពីថ្ងៃអាទិត្យ ម្សិលមិញយ៉ាងណែនណាន់តាន់តាប់ ដើម្បីអបអរសាទរម្ចាស់ពានរង្វាន់ Copa Libertadores លើកទីបួនរបស់ក្រុមពួកគេ ខណៈកីឡាករ បុគ្គលិក រួមទាំងគ្រូបង្វឹកផង បានដើរដង្ហែរជុំវិញទីក្រុង មានទាំងអ្នកនៅលើឡានដឹកទំនិញ អមដោយការស្រែកហ៊ោញ្ជ្រៀវយ៉ាងរំភើបចិត្តក្រៃលែង ។

គ្រូបង្វឹកក្រុម Flamengo លោក Filipe Luis Kasmirski បានលើកពានឡើងលើ ប្រកបដោយមោទកភាពក្នុងអំឡុងពេលដង្ហែ ញ៉ាំឱ្យកាន់តែមានភាពរីករាយចំពោះអ្នកគាំទ្រដ៏ច្រើនកុះករ។ អ្នកគាំទ្រក្លឹបបាល់ទាត់ដែលជាម្ចាស់ជើងឯកអាមេរិកខាងត្បូងនេះ បានចុះផ្លូវយ៉ាងច្រើនកុះករ ក្នុងដៃមានទង់ជាតិក្រហម និងខ្មៅលើកគ្រវីឡើង បង្កើតបរិយាកាសដ៏សែនរំភើបរីករាយ ។

លោក Gustavo Alvira ជាអ្នកគាំទ្រម្នាក់ បាននិយាយដោយមោទភាពចំពោះកិច្ចខិតខំប្រឹងប្រែងរបស់ក្រុមទាំងមូល ព្រមទាំងសរសើរដល់ការដឹកនាំរបស់គ្រូបង្វឹក Kasmirski និងបានបញ្ជាក់ដោយសម្តីថា ក្រុម Flamengo ស័ក្តិសមនឹងទទួលបានជ័យជម្នះបែបនេះ ។

ក្បួនដង្ហែរជ័យជំនះដ៏ធំសម្បើមនេះ ពិតជាបានបង្ហាញស្មារតីស្រឡាញ់គាំទ្រវិស័យកីឡារបស់ប្រទេសជាតិខ្លួន ជាមួយនឹងការលើកពាន Copa Libertadores ខណៈកីឡាករជាច្រើនរូប បានច្រៀងរួមគ្នាជាមួយអ្នកគាំទ្រពីលើឡានក្រុងយ៉ាងកងរំពងផ្តល់អារម្មណ៍ហាក់ដូចពិធីបុណ្យជាតិដ៏ធំ ដែលឮសម្លេងច្រៀងបន្ទរពីគ្រប់ទិសទីក្នុងទីក្រុង ។

ប្រភព៖
https://www.reutersconnect.com/discover/sports?id=tag%3Areuters.com%2C2025%3Anewsml_RW618430112025RP1%3A3

អត្ថបទទាក់ទង

កីឡាករនិងអ្នកគាំទ្រក្រុមបាល់ទាត់ Flamengo ចុះផ្លូវស្វាគមន៍វីរបុរសរបស់ពួកគេពេញទីក្រុង Rio ក្រោយឈ្នះពាន Copa Libertadores

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស