កូនប្រុសអតីតខ្សែការពារតោខៀវ Thiago Silva ចុះកុងត្រាអាជីពជាលើកដំបូង ជាមួយ Chelsea

Premier League
December 2nd, 2025 (10 hours)
113 Views
Share

កូនប្រុសរបស់អតីតខ្សែការពារតោខៀវ Thiago Silva កីឡាករ Isago Silva បានចុះកុងត្រាអាជីពជាលើកដំបូង ជាមួយ Chelsea ក្នុងវ័យត្រឹមតែ 17ឆ្នាំប៉ុណ្ណោះ។

ខ្សែការពារវ័យក្មេងពោរពេញដោយសក្ដានុពលរូបនេះ បានអភិវឌ្ឍរបស់ខ្លួនតាមរយៈថ្នាលរបស់ Chelsea អស់រយៈពេលពីរបីឆ្នាំមកហើយ ដែលក្នុងអំឡុងពេលនោះ គ្រូបង្វឹកបានកោតសរសើរចំពោះភាពចាស់ទុំ បច្ចេកទេស និងការយល់ដឹងល្អពីបាល់ទាត់។ ការចុះកុងត្រាថ្មីនេះ គឺជាជំហានសំខាន់មួយក្នុងអាជីពរបស់គេ និងបង្ហាញថា ក្លឹបមានជំនឿទៅលើសក្តានុពលភាពរយៈពេលវែងរបស់គេ។

ការចុះហត្ថលេខានេះ បានបង្កើតភាពរំភើបរីរាយក្នុងចំណោមអ្នកគាំទ្រ Chelsea ជាច្រើន ដែលបានតាមដានដំណើរការអភិវឌ្ឍរបស់ Isago យូរមកហើយ ដោយសារតែឥទ្ធិពល និងកេរ្តិ៍ឈ្មោះដ៏អស្ចារ្យរបស់ឪពុកគេក្នុងពិភពបាល់ទាត់។ អ្នកគាំទ្រច្រើនបានចែករំលែកការសប្បាយរីករាយ និងការលើកទឹកចិត្តទៅលើគេតាមបណ្តាញសង្គម ខណៈដែលគេចាប់ផ្តើមដំណើរអាជីពរបស់ខ្លួនជាផ្លូវការ។

Isago ត្រូវបានអ្នកគាំទ្ររំពឹងទុកថា នឹងមានអាជីពត្រចះត្រចង់ និងភាពជោគជ័យដូចទៅនឹង ឪពុករបស់គេ Thiago Silva ដែលមានការលះបង់ ភាពជាអ្នកដឹកនាំ និងស្ថិតក្នុងកម្រិតកំពូលជាច្រើនឆ្នាំ៕

អត្ថបទទាក់ទង