United បង្ហាញការមិនសប្បាយចិត្តដែល Mazraoui នៅបន្តជួយក្រុម ជាពិសេសគឺខកចិត្តកាន់តែខ្លាំងពេលស្មើរគ្នាទល់នឹង Bournemouth

Premier League
December 19th, 2025 (4 weeks)
223 Views
Share

ក្រុមបិសាចក្រហម Manchester United ត្រូវបាន The Athletic រាយការណ៍ថាមានការមិនសប្បាយចិត្តនឹងក្រុមជម្រើសជាតិ ម៉ារ៉ុក ជាខ្លាំងដែលបដិសេធមិនឲ្យខ្សែការពារវ័យ ២៨ ឆ្នាំ Noussair Mazraoui នៅជួយក្រុមលេងតទល់នឹង Bournemouth កាលពីថ្ងៃចន្ទកន្លងទៅ ។

ប្រភពដដែលបានបន្តថា ថ្នាក់លើរបស់ United បានព្យាយាមទាក់ទងដើម្បីសុំការយកយល់ពីក្រុមជម្រើសជាតិម៉ារុក ក្រោយចចារត្រូវគ្នាជាមួយ កាមេរ៉ូន និង កូឌីវ័រ ដើម្បីរក្សា Bryan Mbeumo & Amad Dialo លើកលែងតែ Mazraoui ប៉ុណ្ណោះដែលត្រូវក្រុមជម្រើសជាតិពួកគេបដិសេធដោយសារតែយកហេតុផលថាត្រូវលេងប្រកួតដំបូងនៅ Africa Cup of Nation ទល់នឹង កូម៉ូរ៉ុស នៅថ្ងៃអាទិត្យសប្ដាហ៍នេះ ។

ទាក់ទងនឹងរឿងរ៉ាវខាងលើ United ក៏កាន់តែមិនសប្បាយចិត្តទៅទៀតដោយសារតែ Premier League បានដឹងហើយថាក្លិបត្រូវបញ្ជូនកីឡាករទៅចូលរួមនៅ AFCON ត្រឹមថ្ងៃអាទិត្យសប្ដាហ៍មុន ប៉ុន្តែនៅតែចេញកាលវិភាគឲ្យក្លិបលេងនៅក្នុងថ្ងៃចន្ទទៅវិញ ៕

អត្ថបទទាក់ទង