Man United និង Liverpool កំពុងប្រជែងគ្នាតាមប្រម៉ាញ់ខ្សែប្រយុទ្ធវ័យក្មេងម្នាក់របស់ Watford

Premier League
January 5th, 2026 (3 days)
159 Views
Share

Manchester United និង Liverpool ស្ថិតក្នុងចំណោមក្លឹបដទៃទៀតនៅលីគកំពូលអង់គ្លេស Premier League ដែលកំពុងតាមដានយ៉ាងដិតដល់លើខ្សែប្រយុទ្ធ Watford គឺកីឡាករ Othmane Maamma បន្ទាប់ពីគេបានបង្ហាញខ្លួនដ៏គួរឱ្យចាប់អារម្មណ៍នៅរដូវកាលនេះ។

កីឡាករវ័យ ២០ឆ្នាំរូបនេះ បានស៊ុតបញ្ចូលទី ៣គ្រាប់ និងបញ្ជូនបាល់ឲ្យមិត្តរួមក្រុមស៊ុតបញ្ចូលទី ១គ្រាប់ក្នុងការបង្ហាញខ្លួន ១២ប្រកួត ដោយកំពុងក្លាយជាខ្សែប្រយុទ្ធដ៏សំខាន់ម្នាក់របស់ Watford។

មិនត្រឹមតែជោគជ័យនៅកម្រិតក្លឹបប៉ុណ្ណោះទេ Maamma ក៏បានបង្កើនកេរ្តិ៍ឈ្មោះរបស់ខ្លួននៅលើឆាកអន្តរជាតិផងដែរ ដោយគេបានឈ្នះពាន Golden Ball ក្នុងព្រឹត្តិការណ៍ U20 World Cup ជាមួយក្រុមជម្រើសជាតិម៉ារ៉ុក ដែលនេះ បានបង្ហាញថា គេពិតជាមានសមត្ថភាព និងទេពកោសល្យខ្ពស់ពិតប្រាកដមែន។ ក្រៅពី Manchester United និង Liverpool ក៏មានក្លឹប Newcastle United, Brighton, Brentford និង Sunderland ក៏កំពុងតាមដានភាពរីកចម្រើនរបស់គេផងដែរ។

សូមបញ្ជាក់ថា Watford បានទិញ Maamma ពីក្លឹប Montpellier នៅលីគលំដាប់ទី2 របស់បារាំង League 2 ក្នុងតម្លៃប្រហែល 1លានផោន កាលពីឆ្នាំមុន ហើយការផ្ទេរនេះកំពុងបង្ហាញថា Montpellier បានធ្វើការសម្រេចចិត្តទិញដ៏ឆ្លាតវៃជាទីបំផុត ខណៈដែលខ្សែប្រយុទ្ធជនជាតិម៉ារ៉ុករូបនេះ កំពុនទួលបានការចាប់អារម្មណ៍កាន់តែកើនឡើងជាបន្តបន្ទាប់៕
—
ប្រភព៖ TEAMtalk

អត្ថបទទាក់ទង