Eze អាចប្រឈមមុខមិនមានវត្តមាននៅ World Cup បើមិនអាចដោះស្រាយស្ថានភាពរបស់ខ្លួននៅ Arsenal បាន

Premier League
January 19th, 2026 (1 month)
320 Views
Share

ខ្សែបម្រើអន្តរជាតិ អង់គ្លេស វ័យ ២៧ ឆ្នាំរបស់ក្រុមកាំភ្លើងធំ Arsenal គឺ Eberechi Eze អាចនឹងប្រឈមមុខមិនមានវត្តមាននៅ FIFA Wolrd Cup នៅពាក់កណ្ដាលឆ្នាំនេះបើមិនអាចស្រោចស្រង់ស្ថានភាពរបស់ខ្លួននាពេលបច្ចុប្បន្នបាន ។

Eze ដែលផ្ទេរមកចូលរួមជាមួយ Arsenal លើតម្លៃ ៦០ លានផោននាដើមរដូវកាលកន្លងទៅពី Crystal Palace បានបាត់វត្តមានពីទីលានមិនសូវមាននាទីលេងច្រើនដូចមុនឡើយចាប់តាំងពីដើមខែវិច្ឆកាមកដល់បច្ចុប្បន្ន ក្រោយប្រធានក្រុម Martin Ordegard ត្រឡប់មកជួយក្រុមវិញបន្ទាប់ពីសម្រាកព្យាបាលរបួស ខណៈ ១០ ប្រកួតចុងក្រោយ Eze លេងភាគច្រើនក្នុងនាជាកីឡាករប្ដូរចូលលេងត្រឹម ១០ ទៅ ១៥ នាទីប៉ុណ្ណោះ និងអង្គុយនៅកៅអីបម្រុងដោយប្ដូរចូលដល់ទៅ ៤ ដងជាប់ៗគ្នាផងដែរ ។

ទាក់ទងនឹងស្ថានភាពរបស់អតីត Fulham រូបនេះអ្នកចាត់ការលោក Mikel Arteta លើកឡើងយ៉ាងខ្លីដូច្នេះថា ៖ « ខ្ញុំមានទំនុកចិត្តយ៉ាងខ្លាំងថាយើងនឹងបានឃើញការលេងដ៏អស្ចារ្យរបស់ Eze នៅក្នុងរយៈពេលប៉ុន្មានខែខាងមុខនេះ ៕ »

អត្ថបទទាក់ទង