គ្រូបង្វឹក Chelsea លោក Liam Rosenior បដិសេធការចាប់អារម្មណ៍របស់ Real Madrid លើ Enzo Fernandez

Premier League
January 22nd, 2026 (6 days)
390 Views
Share

គ្រូបង្វឹក Chelsea លោក Liam Rosenior បានបដិសេធពាក្យចចាមអារ៉ាមអំពីការផ្ទេររបស់ខ្សែបម្រើ Enzo Fernández ទៅកាន់ Real Madrid និងក្លឹបផ្សេងទៀត ហើយបានបញ្ជាក់យ៉ាងច្បាស់ថា កីឡាករជម្រើសជាតិអាហ្សង់ទីនដែលឈ្នះពាន World Cup រូបនេះ នៅតែមានអនាគត ជាមួយ Chelsea និងជាផ្នែកសំខាន់មួយនៃផែនការរបស់ក្លឹប។

លោកបានបញ្ជាក់បន្ថែមថា Fernández គឺជាកីឡាកររបស់ Chelsea និងជាកីឡាករដ៏សំខាន់ម្នាក់សម្រាប់ក្រុម និងបានបង្ហាញក្តីសង្ឃឹមថា ពួកគេនឹងមានទំនាក់ទំនងការងារល្អទាំងក្នុងរយៈពេលខ្លី និងរយៈពេលវែង។

Rosenior ក៏បានសរសើរអំពី ភាពបត់បែន និងគុណភាពរបស់ Enzo Fernández ដោយលើកឡើងថា គាត់មានជំនាញបច្ចេកទេសល្អ អាចរត់គ្របដណ្តប់ទីលានបានល្អ មានសមត្ថភាពបញ្ចូលគ្រាប់បាល់ និងអាចលេងបានក្នុងតួនាទីផ្សេងៗក្នុងតំបន់បម្រើកណ្ដាល។

ខ្សែបម្រើវ័យ 25ឆ្នាំរូបនេះ ដែល Chelsea បានចុះហត្ថលេខាពី Benfica ក្នុងឆ្នាំ 2023 ជាមួយតម្លៃកំណត់ត្រាក្លឹប បានក្លាយជាកីឡាករស្នូលម្នាក់នៅ Stamford Bridge បើទោះបីជាមានការលំបាកនៅដំណាក់កាលដំបូងក៏ដោយ។

អត្ថបទទាក់ទង