Haaland បានជូនដំណឹងទៅភ្នាក់ងាររបស់គេថាចង់ផ្លាស់ទៅ Real Madrid

បាល់ទាត់
November 3rd, 2021 (3 years)
1283 Views
Share

រឿងរ៉ាវនៃការផ្ទេររបស់ Haaland គិតមកទល់ពេលនេះមិនទាន់ចប់នៅឡើយទេ ព្រោះតែសាមីខ្លួន នៅតែបង្ហាញពីការផ្លាស់ចេញទៅកាន់ក្លិបធំៗដដែល។

ក្លិប Real Madrid នៅតែជាក្លិបឈានមុខគេក្នុងការនាំយកីឡាករូបនេះមកចូលរួម បូករួមវត្តមានរបស់ Mbappe ទៅកាន់ទឹកដីអេស្ប៉ាញ ហើយមើលទៅហាក់ដូចជាជៀសមិនរួចទេដូចគ្នា បន្ទាប់ក្លិប Real Madrid ធ្លាប់ខិតជិត ទទួលបានការផ្ទេរសម្រាប់ខ្សែប្រយុទ្ធសញ្ជាតិបារាំងរូបនេះ នៅអំឡុងទីផ្សារដោះដូររដូវក្តៅ ទៅហើយ ប៉ុន្តែនៅចុងបញ្ចប់ត្រូវបាន PSG រារាំងវិញ។

មិនតែប៉ុណ្ណោះ ជាមួយកិច្ចសន្យារបស់ Mbappe នឹងត្រូវផុតកំណត់នៅចុងបញ្ចប់នៃរដូវកាលនេះ ដូច្នេះវាមានន័យថារូបគេ អាចមានសិទ្ធិចរចាជាមួយក្លិប Real Madrid ជាផ្លូវការ នៅក្នុងខែមករា ជុំវិញការផ្ទេរដោយគ្មានតម្លៃខ្លួនមួយ នៅចុងបញ្ចប់នៃរដូវកាលនេះ ។
ប៉ុន្តែ ក្នុងមួយរយ:ពេលចុងក្រោយនេះ វាត្រូវបានគេរាយការណ៍ថា ក្លិបអេស្ប៉ាញ ក៏បានបន្ថែមការចាប់អារម្មណ៍ទៅលើខ្សែប្រយុទ្ធ Haaland ម្នាក់ទៀតផងដែរ ដោយសារតែលក្ខខណ្ឌទិញផ្តាច់កុងត្រាតម្លៃ ៧៥ លានអឺរ៉ូ របស់គេ នឹងបើកដំណើរការ នៅដំណាច់រដូវកាលនេះដែរ។
ហើយជាមួយគ្នានោះ មិនត្រឹមតែ Real Madrid ប៉ុណ្ណោះ សូម្បីក្លិបកំពូលៗផ្សេងទៀតដូចជា Barcelona , Manchester City, និង Paris Saint-Germain ក៏មានចំណាប់អារម្មណ៍ទៅលើ Haaland ខ្លាំងផងដែរ។

ដោយឡែក បើយោងតាមប្រភពពីអ្នកកាសែត Marco Ruiz របស់កាសែត AS បានបង្ហាញថា ខ្សែប្រយុទ្ធសញ្ជាតិន័រវែសខាងលើ កំពុងជូនដំណឹងទៅកាន់ភ្នាក់ងាររបស់ខ្លួន គឺលោក Mino Raiola ថាគេមានចំណាប់អារម្មណ៍ ទៅចូលរួមជាមួយក្លិប Real Madrid ជាជាង Paris Saint-Germain និងក្លិបធំៗផ្សេងទៀត៕

អត្ថបទទាក់ទង

Haaland បានជូនដំណឹង​ទៅភ្នាក់ងារ​របស់គេ​ថាចង់ផ្លាស់ទៅ Real Madrid

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស

Haaland បានជូនដំណឹងទៅភ្នាក់ងាររបស់គេថាចង់ផ្លាស់ទៅ Real Madrid