Harry Kane ចាប់ផ្តើមចរចាបន្តកុងត្រាថ្មី ជាមួយ Bayern Munich

បាល់ទាត់
January 27th, 2026 (22 hours)
154 Views
Share

Bayern Munich និងប្រធានក្រុមជម្រើសជាតិអង់គ្លេស Harry Kane បានចាប់ផ្តើមចរចាបន្តកុងត្រាថ្មី នេះបើយោងតាមរបាយការណ៍ពីប្រទេសអាល្លឺម៉ង់។ កុងត្រាបច្ចុប្បន្នរបស់ Kane នឹងផុតកំណត់នៅរដូវក្តៅឆ្នាំ 2027 ប៉ុន្តែ Bayern កំពុងចរចា ដើម្បីបន្តកុងត្រា ដែលអាចពង្រីករហូតដល់ឆ្នាំ2028 ឬ 2029 ។

នាយកផ្នែកកីឡា លោក Max Eberl បានបញ្ជាក់ កាលពីថ្ងៃចន្ទថា ការចរចាបានចាប់ផ្តើម ហើយ ដោយប្រាប់ទៅ Sky Germany ថា៖

“យើងកំពុងចរចា ជាមួយ Harry” ។ ខ្សែប្រយុទ្ធវ័យ 32ឆ្នាំរូបនេះ បានបង្ហាញទម្រង់លេងដ៏អស្ចារ្យចាប់តាំងពីផ្ទេរពី Tottenham Hotspur ទៅ Bayern នៅរដូវក្តៅ ឆ្នាំ2023 ដោយស៊ុតបញ្ចូលទីបាន 119គ្រាប់ ក្នុងការបង្ហាញខ្លួន 126ប្រកួត។ គាត់ ក៏បានក្លាយជាកីឡាករ ដែលរួមចំណែករកគ្រាប់បាល់បាន 100គ្រាប់ លឿនជាងគេក្នុងប្រវត្តិសាស្ត្រ Bundesliga ផងដែរ។
អគ្គនាយករបស់ Bayern លោក Jan-Christian Dreesen បាននិយាយថា Kane និងគ្រួសាររបស់គាត់ បានកំពុងរស់នៅទីក្រុង Munich ។ ដូច្នេះ “មិនមានហេតុផលអ្វីត្រូវប្រញាប់ប្រញាល់” ក្នុងការចរចាទេ ដោយភាគីទាំងពីរកំពុងចរចាក្នុងបរិយាកាសវិជ្ជមាន។

សូមបញ្ចាក់ថា Harry Kane នៅតែជាអ្នកស៊ុតបញ្ចូលទីច្រើនបំផុតគ្រប់សម័យកាលរបស់ក្រុមជម្រើសជាតិអង់គ្លេស ហើយត្រូវបានចាត់ទុកថាជាតួអង្គសំខាន់មួយរូបរបស់ Bayern ទាំងសម្រាប់ពានក្នុងស្រុក និងពានរង្វាន់អឺរ៉ុប៕

អត្ថបទទាក់ទង

Harry Kane ចាប់ផ្តើមចរចាបន្តកុងត្រាថ្មី ជាមួយ Bayern Munich

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស